Спорт
Хамилтон сам си ги исклучил сопирачките пред да излета во Баку!
Светскиот шампион Луис Хамилтон признава дека самиот случајно ги исклучил своите сопирачки на Мерцедесот при рестартот во последните два круга на Азербејџанското ГП, по што заврши на 16. место.
Хамилтон имаше совршена шанса да ја искористи несреќата на ривалот за титулата, Макс Ферстапен, кому му се дупна задната гума на четири круга пред крајот на трката во Баку, а по повеќе од половина час се најде на стартот од втората позиција зад колегата на Ферстапен, Серхио Перез.
Тој успеа да дојде блиску до Мексиканецот на стартот, но потоа излезе надвор од патеката бидејќи случајно вклучил опција на болидот која практично го оставила без сопирачки. Тој заврши на 16. место и по низа од 54 трки, не освои поени во една Ф1 трка.
„Искрено, ова беше засрамувачки. Работевме напорно да се вратиме овој викенд. Изгледаше добро и се борев колку што можев денеска. На рестартот, мислам дека Чеко дојде кон мене и јас ја вклучив опцијата која практично ги исклучува сопирачките и затоа тргнав право. Навистина ми е жал за луѓето кои работеа напорно за овие поени, но ќе се вратиме посилни. За Макс исто така беше несреќно, но тоа е тоа“, изјави Хамилтон за „Скај спорт“ по трката.
За кое копче поточно се работи? Тоа е всушност опцијата „brake magic“ (магични сопирачки), со која се помага сопирачките да се загреат побргу со менување на подесувањето на сопирачките. Навистина лоша среќа.
Ccp. @salomondrin @DSORacing @Yhacbec @AERZ_82 @Caro_tt91 pic.twitter.com/tGvFnqD0QW
— Burns (@Burns17HRR) June 6, 2021
‘Brake magic’ is a setting on the steering wheel that heats up the brakes quicker by altering the hybrid regen and brake bias settings.
It appears LH left it on at the restart.
Old pic from NR’s car#BrakeMagic #F1 pic.twitter.com/ZCMyj9nzYH— Craig Scarborough (@ScarbsTech) June 6, 2021
Today was a humbling experience. We worked so hard to put ourselves back in the top 10 today after a rocky week here in Baku. We gave it our all today and a small error caused the brakes to switch off. Sorry to the team, we’ll come back stronger for the next race ?? pic.twitter.com/oHy75S07L3
— Lewis Hamilton (@LewisHamilton) June 6, 2021
Нова лудост во Баку! Перез до победа, Хамилтон се „самоуништи“!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.