Турскиот премиер Ахмет Давутоглу го обвинува својот израелски колега Бенјамин Нетанјаху за тероризам и тврди дека израелските „провокации“, како што се бомбардирањата на палестинската енклава Газа, придонеле за радикализирањата во муслиманскиот свет.
 

Турскиот премиер Ахмет Давутоглу го обвинува својот израелски колега Бенјамин Нетанјаху за тероризам и тврди дека израелските „провокации“, како што се бомбардирањата на палестинската енклава Газа, придонеле за радикализирањата во муслиманскиот свет.

Во интервјуто за агенцијата Reuters објавено во петокот навечер, турскиот премиер Ахмет Давутоглу вели дека мирот на Блискиот исток и истребувањето на екстремистичките групи ќе биде практично невозможно да се постигне без воспоставување на палестинската држава.

Исто така, ја предупредува меѓународната заедница да не се фокусира само на борбата против милитантите од џихадистичката Исламска држава во своите настојувања да стави крај на судирите во Сирија. Наведувајќи ја „бруталноста“ на сирискиот претседател Башар ал-Асад.

Сунитска Турција, како и Западот и арапските сунитски земји од регионот, ја поддржуваат сириската сунитска вооружена опозиција во речиси четиригодишната граѓанска против претседателот Башар ал-Асад, кој е претставник на алавитите (шиитите), а ја има поддршката и до лојалните сунитски племиња, друзите и христијаните, додека курдската заедница е неутрална во овој конфликт, а исто така е регионален сојузник на Иран и на Русија.

Турција, како земја кандидат за членство во Европската унија и како членка на НАТО, треба да биде главниот регионален сојузник на Западот во борбата против Исламската држава. Меѓутоа, Анкара станува многу загрижена од она што го гледа како исламофобија во Европа и е сé погласна во критиките на својот поранешен децениски стратешки партнер Израел.

„Самиот (израелски премиер Бенјамин) Нетанјаху убиваше, неговата војска уби деца на игралиште. Убија наши државјани и американски државјанин во меѓународни води. Тоа е тероризам“, вели Давутоглу алудирајќи на нападот на израелските командоси на турскиот брод „Мави Мармарис“ кој во рамките на Флотилата на слободата се обиде да ја разбие израелската поморска блокада на Појасот Газа во мај 2010 година, кога беа убиени десет исламски турски хуманитарци меѓу кои и еден американски државјанин од турско потекло.

Оттогаш, и покрај настојувањата на САД да ги повратат добрите односи, на повидок не е никакво повторно приближување меѓу Турција и Израел.

„Никој не може да ја одбрани израелската агресија во Ерусалим во џамијата ал-Акса“, продолжува Давутоглу додавајќи дека „овие провокации создаваат фрустрации во муслиманскиот свет и стануваат една од причините поради коишто се појавуваат екстремистичките трендови“. „Доколку сакаме да воспоставиме ред и мир на Блискиот исток, да ги елиминираме сите екстремистички сили, мораме да го решиме палестинското прашање“, порачува турскиот премиер.

Давутоглу претходно во четвртокот го спореди Нетанјаху со исламистичките радикали коишто минатата седмица во француската престолнина Париз во три дена убија 17 луѓе, обвинувајќи дека и тој и тие сториле против човештвото.

Нетанјаху, пак, побара од меѓународната заедница да ги осуди таквите изјави на Давутоглу, како и оние на турскиот претседател Реџеп Тајип Ердоган, откако тој го критикуваше појавувањето на израелскиот премиер на големиот марш на солидарноста минатата недела во Париз./крај/мф/сн

Извор: Макфакс