Спорт
Реми во Баку – Велс извлече бод од Швајцарија, 1:1
Вториот натпревар на фудбалското Европско првенство го донесе и првиот реми исход. На националниот стадион во Баку (Азербејџан) Швајцарија и Велс одиграа 1-1 и освоија по бод во групата А во која синоќа на отворањето на шампионатот во Рим Италија со 3-0 ја совлада селекцијата на Турција.
Иако во три четвртини од мечот Швајцарците беа подобриот противник, создадоа многу повеќе шанси од противникот, сепак не успеаја да постигнат втор погодок.
Брел Емболо во 49 минута од мечот донесе предност за својата селекција од 1-0 откако во првото полувреме напаѓачот Сеферовиќ пропушти 2-3 можности за отворање на резултатот.
Токму Емболо беше најистакнат во вториот дел, неколкупати прецизно биеше кон голот на Вард, но чуварот на мрежата на Велс беше сигурен
Се чини без никаква игра, по една нафрлена топка Кифер Мур во 74 минута погоди со глава за конечни 1-1.
Нововлезениот Марио Гаврановиќ постигна втор гол за Швајцарија во 86 минута, но по ВАР преглед на ситуацијата, голот беше поништен поради офсајд.
Големите ѕвезди на Велс – Арон Ремзи и Герет Бејл не покажаа голем дел од своите мајстории затоа што Швајцарија беше подобриот противник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата ќе гласа за укинување на ВАР од следната сезона
Преставници на клубовите од англиската Премиер лига следниот месец ќе гласаат за укинување на ВАР, пишува The Athletic. За да се укине ВАР потребно е најмалку две третини од клубовите да гласаат за таа опција. Во случајот со Премиер лигата, тоа значи 14 од 20 клубови.
ВАР (Видео помошник судија) беше воведен во Премиер лигата во 2019 година, но беше предмет на бројни контроверзии. Во кои случаи може да се вклучи и какви одлуки се носат со негово користење се постојани прашања во англискиот фудбал. Предлогот е направен на иницијатива на Вулверхемптон.
Видео проверките ја успорија играта, па често се трошеше многу време за проверка и цртање линии. Сето тоа предизвикува фрустрации кај навивачите и затоа се предлага да се укине ВАР. Исто така, ВАР не ги елиминираше судиските грешки бидејќи лошите одлуки се носат и по прегледување на видеата.
Спорт
Првиот асистент на Клоп ќе го предводи Салцбург
Тренерот на Ливерпул, Јирген Клоп заедно со своите соработници го напушта клубот. В недела последен пат Клоп со својот стручен штаб ќе ги води „црвените“.
Јирген Клоп по девет години на „Енфилд“ реши да паузаира една сезона. За разлика од него, неговиот прв асистент Пеп Лајндерс веќе знае каде ќе биде наредната сезона.
Лајндерс денеска потпиша тригодишен договор со Ред Бул Салцбург.
41-годишниот Холанѓанецот пристигна во Ливерпул во 2018 година и со клубот ги освои сите можни трофеи.
Лајндерс е четврти тренер на Салцбург за само една година. На крајот од претходниот шампионат клубот се раздели со Матијас Џејсли, диригентската палка ја презеде Герхард Штрубер, но по слабите резултати во првенството (три бода помалку од Штурм) си замина, па сезоната ќе ја заврши Онур Цинел.
Спорт
Еден од клучните играчи го напушта Баер Леверкузен
Шампионот на Германија Баер Леверкузен успеа да го задржи тренерот Чаби Алонсо, вундеркиндот Флоријан Вирц, но по се изгледа ќе остане без еден од клучените играчи.
Десниот бек Џереми Фримпонг има неверојатна сезона. На 44 натпревари постигна 13 гола и забележа 12 асистенции.
Неговата откупна клаузула е 40 милиони евра и тој автоматски ќе биде слободен доколку некој клуб ја активира.
За холандскиот репрезентативец има голем интерес. Прв во редот Манчестер јунајтед, а 40 милиони се подготвени да потрошат и Арсенал, Баерн и ПСЖ.