Спорт
Депај не сака да го викаат Депај поради неговиот татко
Холанѓанецот Мемфис Депај, новиот член на Барселона (потпиша договор до 2022/23), ќе ја продолжи традицијата на неговиот дрес да го пишува неговото име Мемфис, а не презимето Депај поради едноставна причина.
Мемфис ја направил оваа одлука во 2012 година, во обид да се дистанцира од својот татко Денис Депај, кој го напуштил кога тој имал само четири години.
„Никогаш нема да му простам. Затоа не е ме викајте Депај, туку Мемфис. Не сакам да објаснувам што точно се случи во мојот дом бидејќи не сакам да посрамотувам намерно никого. И така ќе остане, бидејќи за мене тоа е минато“, изјави Депај кога потпиша за Манчестер јунајтед во 2015 година.
Депај е роден во 1994 година во малото село Мордрехт во јужна Холандија. Неговиот татко, Денис Депај е роден во Гана, додека неговата мајка Кора Схенсема е Холанѓанка. Таткото го напуштил семејството кога фудбалерот имал само четири години.
Минатата година, самиот Депај изјави дека се „смирил“ со својот татко, но тоа не го смени мислењето околу името на дресот.
Me and my dad came back together to settle things a couple years ago.
Now more than ever we need to find love and strength in each other! #BlackLivesMatter #growthroughpain #YKTALK pic.twitter.com/emV9fzLyVV— Memphis Depay (@Memphis) June 5, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.