Жител на село Горно Оризари со секира ја нападнал неговата сопруга која се здобила со сериозни повреди на главата и раката и е во животна опасност

Семејна драма утрово се случила во селото Горно Оризари. Седумдесет иедно-годишниот Т.М. со секира ја нападнал неговата сопруга, шеесет иосум-годишната Џ.М, која поради сериозноста на повредите  е префрлена во Ургентен центар Скопје. Како пто пренесува Лисица, двајцата сопружници утрово околу 5.30 часот излегле во дворот од сопствената куќа. Сопругот зел секира и со неа неколкупати ја удирал по главата и раката, при што и нанел сериозни повреди. Таа веднаш била пренесена во велешката болница, каде лекарите ја реанимирале и била препретена во скопскиот Ургентен центар.На местото на семејната трагедија увид изврши јавен обвинител, истражен судија и увидна екипа на СВР Велес.„Сторителот е приведен во просториите на Полициската станица, каде се уште се преземаат мерки за расветлување на случајот и утврдување на мотивот за стореното дело, рече Анита Стојковска, портпарол на СВР Велес.Во селото денеска молк. Никој не сакаше да каже што и зошто се случил грозоморниот чин. Сега сопругот Т.М. кривично ќе одговара за обид за убиство врз својата сопруга.