Спорт
ЕУРО 2020 заврши за Македонија, Холандија и Австрија во осминафиналето
Македонија со 0:3 пораз од Холандија го заврши историскиот настап на ЕУРО 2020, во меч кој носеше големи емоции за сите пред малите екрани поради последниот меч во националниот дрес на Горан Пандев, кој можеби не го доби посакуваниот излез со гол и со изненадување, но секако мораше да ја почувствува љубовта на своите соиграчи, навивачи, но и на сите неутрални љубители на фудбалот.
Холанѓаните, секако, веќе го имаа обезбедено првото место на табелата, додека Австрија директно оди понатаму како второпласирана по 1:0 победата над Украинците, кои ќе чекаат да влезат меѓу четирите најдобри третопласирани.
Емотивното попладне во Амстердам почна со македонската химна и со посебниот дрес кој Пандев го доби од холандската фудбалска федерација со бројот 122 по бројот на настапи во националниот дрес, по што следуваше едно фантастично полувреме на момците на Игор Ангеловски.
Имавме поништен гол поради офсајд преку Иван Тричковски, и удар во стативата преку Александар Трајковски и една сомнителна ситуација во која токму Пандев беше фаулиран, а по брзата контра, Холанѓаните поведоа преку Мемфис Депај. Второто полувреме не започна најдобро за нас, откако капитенот Џиџио Вајналдум постигна два гола за само 7 минути, решавајќи го победникот предвреме.
Потоа следуваше и емотивниот момент во 68. минута, кога селекторот Ангеловски го повлече од игра Пандев, кој доби шпалир од своите соиграчи, но и аплаузи од публиката на „Јохан Кројф арената“. Во второто полувреме ни беше поништен уште еден гол, тој на Дарко Чурлинов, повторно поради офсајд ситуација.
ГРУПА Ц
Македонија – Холандија 0:3
Австрија – Украина 1:0
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1686-26542”));
Графика: Sofascore за Топспорт.мк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.