Спорт
Ѓоковиќ не е загрижен од заканите на АТП, разговарал и со Серена
Светскиот рекет број 1, Новак Ѓоковиќ вели дека зборувал со неколку врвни тенисерки, вклучувајќи ја и Серена Вилијамс за паралелната асоцијација на играчи ПТПА, која ја организираше заедно со Васек Поспишил и со која се надева дека ќе примора повеќе влијание на тенисерите за начинот на кој се води спортот, и секако, поголем дел од профитот.
Ѓоковиќ и Поспишил ја формираа Асоцијацијата на професионални тенисери (ПТПА) минатиот август, а неодамна влегоа во конфликт со АТП турнејата, која инсистира дека нивниот Совет на играчи доволно ги застапува интересите на тенисерите. За разлика од северноамериканските спортови, тенисерите не се претставувани од синдикати, туку секој се смета како независен субјект.
„Сите почнувате да сфаќате дека тенисерите не се претставувани на начин на кој заслужуваат. Мислам дека многу тенисери го сфаќаат тоа и дека е потребно нешто повеќе од малкуте информации. Во 2021 тоа е неприфатливо. Има многу неадоволни тенисери“, вели Ѓоковиќ.
Ѓоковиќ инсистира дека 70 отсто од тенисерите се на нивна страна, а потврди дека почнаа да разговараат и со тенисерките, почнувајќи со 23-кратната гренд слем шампионка, Серена Вилијамс.
„Веќе зборувавме во Париз за време на Ролан Гарос и планирам да зборувам повторно сега во Лондон заедно со нејзиниот сопруг, ко-основачот на ‘Редит’, Алекс Оханијан, кој е успешен бизнисмен и има некои идеи кои сака да ги сподели со нас“, објасни светскиот број 1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.
Спорт
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
Тони Надал, поранешниот тренер на Рафаел Надал, крена голема прашина со изјави за трката за најдобриот тенисер на сите времиња. Најчесто вујкото на Надал ги омаловажува успесите на Новак Ѓоковиќ.
Искусниот стручњак, кој ја прекина соработката со Надал во 2017 година, изјави дека Новак Ѓоковиќ постигнал се што имал, пред се затоа што за разлика од неговите ривали „не живее нормален живот“.
„Мислам дека Новак Ѓоковиќ беше мотивиран од желбата да напише приказна, да стане најдобар играч во историјата, додека Рафа, од друга страна, секогаш живеел сосема нормален живот. Рафа игра тенис, но живее нормално, јаде, игра фудбал и се занимава со други активности Се сеќавам на еден тренинг кога неговиот менаџер ни кажа дека Рафа не е професионален, а мојот одговор беше дека не ни сакам да биде, туку дека е доволно што дава се од себе кога е на теренот и дека во слободното време може да живее како и секој друг маж“, вели Тони.
Според него, Новак бил далеку повеќе фокусиран на деталите, поради што толку долго е во самиот врв на светскиот тенис.
„За разлика од Рафа, Новак е многу внимателен што јаде, како го поминува слободното време и има сосема поинаква визија од Рафа и Роџер. На крајот, сите тројца сакаа да бидат најдобри досега, а најважното нешто во тоа приказната беше колку се спремни да се жртвуваат“, заклучи искусниот тренер.