Спорт
„Аѕурите“ во продолженијата ја „решија“ Австрија за четврт-финале
Италија ја продолжија низата на 30 меча без пораз, откако по продолженијата со 2:1 ја совлада Австрија во осминафиналето на ЕУРО 2020 на „Вембли“ во Лондон, преживувајќи го првиот вистински тест за тимот на Роберто Манчини.
Откако веќе беа промовирани во први фаворити за титулата на ЕУРО по импресивните три меча во групната фаза, Италијанците се намачија со одбраната на Австрија предводена од новата ѕвезда на Реал Мадрид, Давид Алаба, пред во продолженијата да постигнат два гола за да обезбедат четврт-финале против подобриот од мега-пресметката помеѓу Белгија и Португалија.
Чиро Имобиле ја погоди стативата во првото полувреме, во кое Италијанците беа убедливо подобри, но како што течеше мечот, така и Австријците се закануваа. Давид Алаба имаше убав обид од слободен удар, а потоа му асистираше на Марко Арнаутовиќ во 67. минута за гол, но тој беше поништен поради офсајд.
Само што почна продолжението на сцена стапи ѕвездата на Јуве, Федерико Киеза, кој во 95. минута имаше совршена акција за да го совлада Бахман и конечно да донесе водство за „аѕурите“. Австријците „фрлија“ се на една карта, но казната стигна во 105. минута кога Матео Песина зголеми на 2:0. Австрија не се откажа и во 114. минута преку Саша Калајџиќ намалија на 2:1, но немаше доволно време за пресврт.
Графика: Sofascore за Топспорт.мк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).