Свет
Горат цркви во Канада, пожарите сомнителни за властите, доаѓаат по откритието на масовните гробници
По грозоморното откривање на масовни гробници, горат цркви во Канада, за неполни два часа изгореа уште две, јавуваат медиумите.
Четири католички цркви изгореа во западна Канада само минатата недела, вклучително и две цркви во Британска Колумбија, област населена со домородни Индијанци.
Полицијата објави дека црквите се целосно уништени, наведувајќи дека сметаат дека пожарите се „сомнителни“, објавија агенциите.
„Досега нема уапсени или обвинети лица, а истрагата сè уште трае“, изјави портпаролот на полицијата Џејсон Бојд.
Веста за, очигледно, намерно запалените цркви во Канада, доаѓа по откритието што ја шокираше таа земја, но и голем дел од светот.
Минатата недела, автохтоно племе објави откривање на 750 нови неименувани гробници на местото на некогашниот интернат, што откри дел од агонијата низ која поминале децата на автохтоното население во католичките училишта за асимилација.
„Истражувањето го започнавме со георадар на 2 јуни и до вчера пронајдовме 751 необележан гроб“, изјавија официјалните власти.
Тоа е ново откритие во општината Мариевал на западот од земјата, второ за помалку од еден месец.
„Некои можеа да се идентификуваат, но претставниците на Црквата ги тргнаа надгробните споменици“, рече тој.
Тоа е кривично дело во Канада.
„Тоа не е масовна гробница, тоа се неидентификувани гробници“, рече официјалното лице.
Премиерот Џастин Трудо исто така издаде соопштение во кое се вели дека Канада мора да извлече поуки од минатото и да тргне кон помирување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Див дабар виден во Велика Британија за првпат по 400 години
Во природниот резерват Пенсторп, Норфолк, за првпат по повеќе од 400 години е забележан див дабар. Животното е снимено на камера додека собира дрвја за своето живеалиште покрај речен брег, оставајќи ги експертите збунети за неговото потекло.
Менаџерот на резерватот, Ричард Споуџ, рече дека дабарот престојува во изолиран дел од резерватот околу еден месец и можеби патува кон соседните мочуришта во потрага по храна. Првите знаци за присуство биле карактеристични траги на дрвја, по што биле поставени камери.
Реинтродукцијата на дабарите во Англија започна во 2015 година, а диви популации се забележани и во Дорсет, Кент, Хемпшир, Сомерсет и Шкотска.
Потеклото на дабарот од Пенсторп останува мистерија.
„Од наша гледна точка, тоа е диво животно и има право да биде тука“, заклучи Споуџ.
Свет
Келог: Мировниот договор за Украина е „многу близу“, клучни остануваат Донбас и Запорожје
Специјалниот претставник на САД за Украина, Кит Келог, изјави дека договорот за прекин на војната во Украина е „навистина блиску“ и дека сега зависи од решавањето на две големи отворени прашања – иднината на украинскиот регион Донбас и нуклеарната централа Запорожје.
Келог, кој треба да се повлече од функцијата во јануари, кажа дека напорите за решавање на конфликтот влегле во „последните 10 метри“, што, како што забележа тој, е секогаш најтешкиот дел.
Двете главни нерешени прашања, рече Келог, се однесуваат на територијата – првенствено на иднината на Донбас – и иднината на украинската нуклеарна централа Запорожје, најголемата во Европа, која е под руска контрола.
„Ако ги решиме овие две прашања, мислам дека и останатите работи ќе бидат решени доста добро“, рече Келог.
Според првичните американски предлози, нуклеарната централа Запорожје би била рестартирана под надзор на Меѓународната агенција за атомска енергија (МААЕ), а произведената електрична енергија би била подеднакво поделена меѓу Русија и Украина.
Свет
(Видео) Обид за државен удар во Бенин: војска упадна во националната телевизиска станица
Група војници во западноафриканската држава Бенин, која себе се нарекува Воен комитет за обнова, под команда на потполковникот Паскал Тигри, денеска соопшти дека ја презеле националната телевизиска станица, дека претседателот Патрис Талон е отстранет од функцијата, а сите државни институции се распуштени.
NEW: Soldiers tried and failed to overthrow President Patrice Talon in Benin.
Coup plotters briefly seized state TV in Cotonou and announced a junta, but loyalist forces reportedly retook control within hours.
Talon was evacuated safely. pic.twitter.com/AVCAdphsyH
— Clash Report (@clashreport) December 7, 2025
Сепак, министерот за надворешни работи, Олушегун Аџади Бакари, соопшти дека лојалистички војници и националната гарда ја презеле контролата, и дека претседателот е безбеден.
Обидот за пуч се случи додека се подготвуваат претседателските избори, кои треба да го означат крајот на мандатот на Талон, на власт од 2016 година. Владината коалиција го номинираше министерот за финансии Ромуалд Ваданџи за свој кандидат, кој, доколку победи, ќе ја продолжи актуелната економска политика на државата.

