Спорт
„Лалињата“ овенаа во Будимпешта – Де Лихт кумуваше во триумфот на Чешка
Со два гола за десетина минути во второто полувреме, селекцијата на Чешка е сензационален победник во третиот осминафинален дуел на ЕУРО 2020. Настрада Холандија на Франк де Бур. 2-0 за селекцијата на тренерот Шилхави.
Првите 45 минути на стадионот „Пушкаш арена“ пред полни трибини не донесоа кој знае колку допадлив фудбал. Без стоотстотни шанси пред двата гола.
Во вториот дел пресврт на мечот беше црвениот картон кој заслужено го доби стоперот на „лалињата“, Матијс Де Лихт, во 55 минута. По еден дуел со Патрик Шик, дефанзивецот изгуби рамнотежа, па за де не овозможи слободна акција на противникот, играше со рака на 18-тина метри.
Судијата Карасев покажа само жолт картон, но по ВАР асистенција ја промени одлуката и Де Лихт го испрати во соблекувалната.
За споменување, само 3 минути порано, Мален имаше 100-процентна шанса, излезе сам пред голманот Вацлик, се обиде да го дрибла, но голманот беше поуспешен.
По црвениот картон комплетен распад на тактиката на Де Бур.
По една висока топка во 68 минута, Холеш највисок во скокот носи предност за Чешка од 1-0.
Уште не успеа холандскиот национален тим да се соземе од шокот, а Патрик Шик (80 минута) со својот четврти гол на шампионатот стави точка на победата и пласманот во четвртфиналето за Чесите. За напоменување е дека стрелецот на првиот гол е асистент при вториот погодок за победникот.
Противник на Чешка, која во групната фаза имаше една победа, еден нерешен дуел и еден пораз, ќе биде селекцијата на Данска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Скандал во Подгорица – голманот на Будуќности нокаутира соиграч
Будуќност и Сутјеска ремизираа 2:2 во најголемото црногорско дерби. Натпреварот остана во сенка на инцидентот што се случи неколку минути по последниот свиреж на судијатај.
Играчите на Будуќност, по завршувањето на натпреварот застанаа пред северната трибина, беа на рапорт кај навивачите кои од нив побараа да ги соблечат дресовите.
Тогаш голманот Ѓорѓије Павличиќ го нокаутираше соиграчот Игор Ивановиќ.
Павличиќ потоа замина во соблекувалната.
Инаку, Будуќност е втор на табелата со 55 бодови, а Сутјеска е трета со два бода помалку. Дечиќ на четири кола пред крајот на првенството има три бода повеќе и подобар меѓусебен скор во однос на Будуќност.
Спорт
(Видео) Атлетико ја доби битката за Лигата на шампионите
Фудбалерите на Атлетико Мадрид на домашен терен го победија Атлетик Билбао со 3:1 во 33.коло на Ла Лига.
Дербиот на „Цивитас Метрополитано“ беше директна борба за последното место кое води во Лигата на шампионите, следната сезона, а до кое сега се поблиску „јорганџиите“.
Родриго Де Пол им донесе предност на домашните по 15 минути игра. Но првото полувреме мина во сенка на расистичкиот инцидент. Некој од трибините го навреди Нико Вилијамс, поради што натпреварот кратко беше прекинат.
Неколку минуит подцна, помладиот од браќата Вилиујамс го постигна израмнувачкиот гол. На голот му претходеше катастрофалната грешка на Гризмам.
Во продолжението, Анхел Кореа во 52.минута му ја пврати предноста на Атлетико. Аргентинецот погоди по брилијантната аситенција на Коке.
Од тој момент гостите ја презедоа иницијативата, но не успеаја да направат ништо сериозно пред голот на Облак.
Конечниот резултат беше поставен во 80.минута, по ударот на Лино топката од стативата се одби од раката на голманот Симон и заврши во голот.
Атлетико сега има шест бода повеќе од ривалот од Баскија.
Во следното коло двете екипи заминуваат на гости. Атлетико во Мајорка, а Билбао повотрно ќе допатува во Мадрид на дуел со Хетафе.
Спорт
(Видео) Челси на „Вила парк“ се врати од 0:2, ВАР му ја украде победата во 96.минута
Астон Вила и Челси ремизираа 2:2 во 35.коло во Премиер лигата. Вила имаше предност од 2:0, Челси се врати во вториот дел, а целосен пресврт не дозволи ВАР и судијата Крег Полсон.
Астон Вила ги надигра гостите од Лондон во првото полувреме и на паузата замина со предност од два гола. Марк Кукуреља во четвртата минута си постигна авто-гол, а Роџерс во 42. зголеми на 2:0.
Челзи не делуваше добро на теренот се до 62.минута кога Нони Мадуеке успеа да го намали резултатот.
Гостите израмнија во 81. минута, кога Конор Галагер, кој асистираше за првиот гол, брилијантно го погоди во подалечниот агол на Робин Олсен, кој влезе во игра на местото на Емилијан Мартинез.
До крајот на мечот Оли Воткинс имаше добра шанса пред голот на Петровиќ, но не беше прецизен.
Аксел Дисаси ја погоди мрежата на Олсон во 96.минута, но голот беше поништен по интервенцијата на ВАР, поради наводниот фаул на Беноа Бадијашил, кој асистираше за голот.
Вила остана на четвртото место на табелата со 67 бодови, седум повеќе од Тотенхем кој има дури три натпревари помалку.
Челзи е на деветтата позиција со 48 бодови, со само теоретски шанси да се вклучи во борбата за шестото место кое носи пласман во Конференциската лига.