Македонија
Џафери-Зорчиќ: Билатерални прашања не треба да бидат пречка на патот за интегрирање на Северна Македонија во ЕУ
Денеска на маргините на Самитот на претседатели на Парламенти „Европски парламент – Западен Балкан“, претседателот на Собранието на Република Северна Македонија, Талат Џафери, оствари билатерална средба со претседателот на Националното собрание на Република Словенија, Игор Зорчиќ.
Претседателот Џафери искажа благодарност за континуираната поддршка што Република Северна Македонија ја добива од Република Словенија во процесот на Евроинтеграции. Претседателот Џафери ја истакна одличната соработка со претставникот на Словенија во Канцеларијата за врски на НАТО во Скопје, како и соработката во насока на справување со бегалската криза и корона-пандемијата.
„Со Република Словенија немаме отворени прашања, соработката на сите нивоа е задоволителна, но постои простор за унапредување на соработката особено во сферата на економијата, културата и туризмот. Пандемијата со Ковид-19 несомнено ја обремени и забави директна билатерлна комуникација, но целосната имунизација полека но сигурно придонесува за враќање на процесите во нормална динамика“, истакна Џафери.Тој додаде дека Европската Унија не е комплетна без целосно интегрирање на сите држави од Западен Балкан.
Претседателот на Националното собрание на Словенија истакна дека Словенија го поддржува членството на Република Северна Македонија во Европската Унија.
Според него, одредени билатерални прашања не треба да бидат пречка на патот кон целосно интегрирање на Северна Македонија во ЕУ. Претседателот Зорчиќ се осврна на компромисното решение на непопречување и неблокирање на евроинтеграивниот пат на Хрватска, односно решавање на билатералните прашања како паралелен процес на пристапувањето кон Европската Унија.
Соговорниците се согласија дека ваков формат на комуникација на ниво на претседатели на Парламенти е особено полезен, особено доколку вакви самити се одржуваат во европските институции, затоа што истите се дополнителен индикатор дека Европската Унија јасно покажува интерес кон земјите од Западен Балкан и прашањето на проширувањето е високо на агендата на ЕУ.
Република Словенија го презема претседателството со Советот на Европа во втората половина на 2021 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Народот доаѓа по своето, по она што Али и Груби му го одзедоа, по она што Заев, Таче и Стево му го продадоа“, рече Стојаноска
„Мора да почнеме поинаку да функционираме и да не молчиме пред неправдите. Мора да се обелоденуваат сите криминали и скандали. Мора да бидеме гласни, за да не станеме невидливи. Криминалот е тој кој треба да биде замолчен. Доста е“, порача Дафина Стојаноска синоќа на митинзите во Гостивар и Тетово.
„На 8-ми мај народот доаѓа по своето, по она што Али и Груби му го одзедоа, по она што Заев, Таче и Стево му го продадоа. На 8 мај нема уценети и поткупени. Никој повеќе не им се плаши, ниту ги сака нивните гнасни пари. Сите до денар ќе му го вратат на народот, како што ќе му ја вратат и државата. Доста долго остана во нивно заложништво. Нема повеќе сила, ниту пара која ќе го сокрие криминалот на ДУИ и СДСМ. Време е за слобода и правда. Време е за нов Претседател на Република Македонија и за нова Влада. Гласајте за професори а не за криминалци“, кажа Стојаноска.
Македонија
„За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон“, вели Демократскиот сојуз
Демократскиот сојуз ги потсетува партиите, посебно ДУИ, но и сите граѓани, дека соглано член 99 од Уставот на Република Македонија, мандат за состав на Влада добива кандидатот на партијата/ партиите кои имат мнозинство (најмалку 61 пратеник).
„Владата ја избира Парламентот со мнозинство гласови од 120-те пратеници. Мнозинство се 61 пратеник. За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон, ниту пак има таква пракса. Се работи за класична манипулација или непознавање на политичкиот систем и Уставните решенија за избор на Влада“, велат од Демократскиот сојуз.
„Сосема е извесно дека по 20 години на власт, недопирливите од ДУИ, ќе бидат испратени во долгогодишна опозиција и за грабежот што го направија и разнебитување на институциите и државата во целина ќе одговараат.
Наводната проевропска партија „ги отвори вратите на ЕУ“, при што за време на нивното владеење над 800 илјади граѓани од Македонија се иселија во земјите на ЕУ, меѓу нив и над 200 илјади Албанци.
Сите партии се изјаснија дека по изборите нема да коалицираат со ДУИ. Тоа е јасно за сите граѓани, затоа ќе гласаат за промени, а на ДУИ во опозиција ќе им се приклучи и СДСМ“, се додава во соопштението на Демократскиот сојуз.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.