Спорт
Швајцарскиот јунак: Французите беа јаки, ама станаа арогантни!
„Ова што екипата го направи е лудо. Заслуживме пласман затоа што игравме храбро и се боревме до последен момент“, рече голманот на Швајцарија, Јан Сомер, откако неговата селекција избори четвртфинале на ЕВРО притоа елиминирајќи го првиот фаворит на првенството – Франција.
Швајцарците на пенали, по промашувањето на Мбапе во последната петта серија ги исфрлија „триколорите“ и закажаа пресметка со Шпанија.
По 90 минути мечот заврши со резултат 3-3, но мора да се напомене дека Швајцарија во 75. минута имаше негатива од 3-1.
„Беше тоа неверојатна фудбалска вечер, покажавме сјаен менталитет и пожртвуваност. Горд сум на целиот тим. При резултат 3-1 никој не веруваше во нас, но пред мечот рековме дека што и да се случи, без оглед на сценариото, одиме до крај. Французите беа јаки, но станаа помалку арогантни. Ова што ние го направивме е едноставно неверојатно. Ми доаѓа да плачам од среќа, бевме на дното и се вративме“, рече Сомер, кој го чува голот на Борусија Менхенгладбах.
Еден од јунаците на Швајцарија, Харис Сеферовиќ, двојниот стрелец, по мечот рече дека се запишаа во историја.
Капитенот на Швајцарија, Гранит Џака, со слично размислување.
„Испишавме историја за оваа фудбалска нација. Одиме на Шпанија во четвртфинале, ќе биде тешко, но сега сонуваме“, рече тој.
Разочарувањето во спротивниот табор е големо.
„Болно е, жално е што испуштивме 3-1. Се боревме до крај, за актуелен светски првак елиминација во осминафинале не е добар резултат. Сите очекуваа повеќе“, рече голманот на Франција, капитенот Уго Лорис.
Своето разочарување по мечот го сподели и дефанзивецот Рафаел Варан.
„Овој резултат е големо разочарување. Во прво полувреме воопшто не игравме, сè ни недостасуваше. Во вториот дел добро реагиравме, а потоа на противникот му оставивме премногу простор и се вратија во игра. Имаше многу фрустрација“, изјави Варан по мечот во Букурешт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Шоу на Ел Каби против Астон Вила, Фиорентина во 91.минута го скрши Бриж
Во првите полуфинални натпревари на Конференциската лига, Олимпијакос победи со 4:2 против Астон Вила во Бирмингем, додека Фиорентина го совлада Клуб Бриж со 3:2. Реваншите се за седум дена во Грција и Белгија.
Олимпијакос одигра сензационално против Астон Вила, среде Бирмингем имаше двојно помал посед на топката, помалку шанси и помалку удари кон голот на противникот, но успеа да постигне четири гола.
Вистински херој е напаѓачот Ел Каби кој постигна хет-трик.
Ел Каби погоди во 16. минута, па во 29. минута, но впечатокот грчкиот тим го распиа во финишот на првиот дел, во 46.минута кога Воткинс го намали резултатот.
Тој гол донесе офанзива на Вила на почетокот на вториот дел, која ја материјализираше Дијаби.
Вториот гол на Вила не ги поремени играчите на Олимпијакос, набргу Ел Јаби од пенал во 56. минута погоди за 3:2, а Хезе иа ја врти предноста од два гола на црвено-белите од Пиреа.
Вила имаше шанса да го намали резултатот, но во 84. минута Даглас Луиз од пенал ја погоди стативата.
Фиорентина двапати имаше предност против Бриж. Сотил беше стрелец во петтата минута од играта, а израмни Ванакен од пенал во 17. минута. Белоти повторно и го врати водството на Фиорентина во 37. минута. Во продолжение Бриж остана со играч помалку во 61.минута, кога за само три минути Оњедика доби два жолти каротн.
Две минути по црвениот картон на Оњедика, Игор Тиаго го изедначи резултатот.
На крајот, сепак, Фиорентина сепак успеа да забележи победа. Голот за 3:2 го постигна Нзола во 91.минута.
Спорт
(Видео) ЛЕ: Баер зачекори во финалето, Аталанта избори реми во Марасеј
Баер Леверкузен победи на „Олимпико“, со што направи џиновски чекор кон пласманот во финалето на Лига Европа. На добар пат да му се придружи е и Аталанта која одигра нерешено со Олимпик во Марсеј.
Четата на Чаби Алонсо нема намера да запре, од почетокот на сезоната се уште нема пораз. Вечерва новиот шампион на Германија ја победи Рома во Рим со 2:0, во првиот полуфинален натпревар во Лига Европа.
„Фармацевтите“ водеа со 1:0 по првиот дел со голот на Вирц цо 28.минута, а победата ја потврди Андрих со спектакуларен гол во 73.минута.
На „Велодром“ во Марсеј сите дилеми околу конечниот резултат беа решени во првите 20 минути. Скамка и донесе предност на Аталанта во 11.минута, девет минути подоцна изедначи Мбемба.
Реванш натпревари на програмата се наредниот четврток.
Спорт
(Видео) Челси ги згасна сништата на Тотенхем за пласман во ЛШ
Челзи го победи Тотенхем со 2:0 во одложениот натпревар од 26. коло на англиската Премиер лига. Со овој пораз Тотенхем речиси остана без шанси да дојде до четвртото место и пласман во Лигата на шампионите. Тотенхем има седум бода помалку од Астон Вила на три кола до крајот на сезоната.
Челзи беше многу подобар тим во градското дерби, постигна голови на време и не им дозволи на Спарс да создаваат сериозни прилики. Во 24. минута Тревор Чалоба погоди со глава кога одлично реагираше на центаршутот на Конор Галагер.
До тој гол „сините“ имаа две шанси, а Тотенхем. Прво шанса пропушти Мудрик, а потоа Ромеро за Тотенхем.
Во вториот дел долго се чекаше на вистинска шанса. Во 72.минута Кол Палмер ја погоди пречката од слободен удар, а на топката налета Николас Џексон и го постигна вториот гол.