Спорт
Мбапе си оди од ЕУРО без постигнат гол: Жал ми е за пеналот!

Францускиот напаѓач Килијан Мбапе го заврши ЕУРО 2020 без ниту еден постигнат гол иако на почетокот на континенталниот собир тој беше играчот на кого му се даваа најголеми шанси да биде на врвот на листата на стрелците.
И не само тоа, токму неговиот промешен пенал синоќа во Букурешт против Швајцарија во осминафиналето ја испрати дома селекцијата која е актуелен светски шампион и која беше прв фаворит за освојување на ЕП.
Селекторот Дидие Дешам и капитенот Уго Лорис застанаа во одбрана на Мбапе, а голгетерот на ПСЖ доцна синоќа се обрати на социјалните мрежи:
„Многу е тешко да се сврти нов лист. Тагата по елиминацијата е несогледлива, не бевме во состојба да ја исполниме задачата. Жал ми е поради пеналот. Сакав да му помогнам на тимот, но не успеав. Ќе биде тешко да заспијам, но за жал тоа се ризиците кои ги носи спортот кој толку многу го сакам. Знам дека сте вие, навивачите, разочарани, но и понатаму сакам да ви се заблагодарам за поддршката и на тоа што секогаш верувавте во нас. Најважно ќе биде да останеме уште појаки за предизвиците кои доаѓаат. И честитам на Швајцарија и и посакувам многу среќа“ стои во пораката на Мбапе.
— Kylian Mbappé (@KMbappe) June 28, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Арсенал го договори трансферот на Инкапие

Спортскиот директор на Арсенал беше исклучително активен во преодниот рок. Резултатот на таа активност е рекордно трошење за засилувања, што беше заокружено со договорот за трансфер на Пјер Инкапие од Баер Леверкузен.
Постигнат е договор помеѓу Арсенал и Баер Леверкузен. Според него, Арсенал ќе му плати на Баер 52 милиони евра со бонуси.
Со овој трансфер, бројката што „топџиите“ ја потрошија за трансфери ова лето е 345 милиони евра, што е клупски рекорд. Во клубот пристигнаа осум нови фудбалери.
Мартин Зубименди беше платен најскапо, 70 милиони евра на Реал Сосиедад. Еберечи Езе беше платен малку помалку на Кристал Палас (69,3 милиони евра), а над 60 милиони беа платени за Виктор Ѓекереш Спортинг (65,8 милиони евра). Нони Мадуеке од Челзи беше платен 56 милиони евра.
Кристијан Москера беше доведен од Валенсија за 15 милиони евра, Кристијан Норгард од Брентфорд за 11,6 милиони евра, а уште еден играч беше доведен од Челзи. Кепа Аризабалага за само 5,8 милиони евра.
Фото/ Принтскрин
Спорт
(Видео) Србија ја победи Португалија – Петрушев исклучен, Богдановиќ се повреди, а селекторот Пешиќ во клинч со Мициќ

Најголемиот фаворит за златниот медал на Евроското првенство во кошарка, Србија, потешко од очекувањата ја победи Португалија во второто коло со 80:69.
Србите не беа на ниво, селекторот Пешиќ реше дека со „главите биле на некое друго место“, до победата ги предводеа Никола Јокиќ со 23 поен и 10 скока, односно Никола Јовиќ со 18 поени.
Покрај лошата игра Србите се соочија со неколку проблеми по овој натпревар.
На почетокот на мечот поради неспортски потег, удриање на противнички играч беше исклучен Филип Петрушев. Медиумите шпекулираат дека крилниот центар ќе нема да помине само со исклучувањето, туку и дека ќе добие суспензија од ФИБА.
Isključen Petrusev pic.twitter.com/c572wGNqXv
— sportnadlanu (@klikclick191174) August 29, 2025
Во финишот на првото полувреме се повреди капитенот Богдан Богдановиќ. Веднаш го нашушти теренот и повеќе не се врати во игра. Селекторот Пешиќ на прес конференцијата информира дека Богдановиќ ќе мора да оди на дополнителни прегледи за да се утврди степенот на повредата.
— OvoOno (@OvoOnoX) August 29, 2025
И за крај, на почетокот на последната четвртина, селекторот Пешиќ остро реагираше кога Василије Мициќ нерезонки заврши една акција во нејзиниот зачеток, шутна тројка во раната фаза од нападот. Пешиќ го повлече Мициќ од игра, а на клупата имаше жесток разговор со него.
Србија во сабота од 17 часот игра против домаќинот Летонија.
Foto/ FIBA
Спорт
(Видео) Милан ги победи Лече и ВАР-от

Милан ја оствари својата прва победа во Серија А оваа сезона, откако го победи Лече со 2:0 во второто коло.
Исклучително важна победа за Милан. Не само поради поразот во првото коло на „Сан Сиро“ против Кремонезе, туку и поради значителни персонални проблем. Сепак, Масимилијано Алегри ја забележа првата победа во својот повратнички мандат.
Рубен Лофтус-Чик го отвори резултатот во Лече во 66-та минута. Со асистенција на најголемото засилување Лука Модриќ. Сепак, пред тоа Милан постигна уште два гола, но двата беа поништени од ВАР. Прво, веќе во четвртата минута, голот на Габија поради прекршок, а потоа во 60-та минута, голот на Хименез поради офсајд.
Кристијан Пулишиќ му го зададе последниот удар на Лече во 86-та минута.
Фото/ Принтскрин