Свет
(Видео) Тела на жртви од коронавирусот плутаат низ реката Ганг во Индија
Делумно скриени од долгите трски, мноштво тела прекриени со крпи тивко плутаат по светата река Ганг, како потсетник за тоа како жестокиот бран на коронавирусот ги преплави индиските болници и крематориумите.
Илјадници семејства во северна и источна Индија ги предаваа телата на нивните блиски на реката или ги закопуваа во плитки гробници на брегот од реката, бидејќи немаа со што да ги платат погребните кремирања во екот на чумата во април и мај.
Меѓутоа, почетокот на сезоната на монсунски дождови предизвика силни струи по должина на пловниот пат долг 2.500 километри, што исфрлија некои од телата што беа закопани на брегот.
Официјални лица во Алахабад, еден од најсветите хиндуистички градови, каде што милиони лица присуствуваат на погребните обреди, соопштија дека во текот на изминатите три недели кремирале речиси 150 тела што плутале. Купишта дрва за погребни кремирања се наредени крај насипите, во очекување да се појават нови трупови.
Кога новинарите од „АФП“ ги посетија околните области, десетици делумно потопени трупови биле видени во реката. Официјални лица проценуваат дека околу 600 тела биле закопани крај Ганг за време на наездата на заразата. Но, мештаните веруваат дека ова е само мал дел од реалната бројка и стравуваат дека во следните недели брзите води може да исфрлат повеќе тела од плитките гробови на песочните брегови. Слични проблеми имаат и другите поголеми верски центри во северна Индија, како што е верскиот центар Варанаси.
Локалните жители стравуваат дека труповите, доколку не бидат отстранети, ќе бидат опасни за натамошно загадување на еден од најзагадените водни патишта во светот.
„Ова може да предизвика опасни болести“, изјави Дипин Кумар, кој живее во близина на Ганг во Алахабад. Полицијата патролира со два чамци по реката и трага по телата, понекогаш со помош на локални рибари, иако тие немаат многу успех во последните денови.
„Протокот е многу брз и тешко е да се извлечат телата“, изјави полициски службеник за АФП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потврдено е дека во Мексико се пронајдени телата на исчезнатите туристи
Мексиканските власти потврдија дека двајца австралиски и еден американски турист, кои беа пријавени за исчезнати во северно Мексико, се мртви откако нивните тела ги идентификувале нивните родители.
Јавниот обвинител Елена Андраде им кажа на родителите и дипломатските службеници дека мексиканските власти целосно ќе се посветат на истрагата за да ги изведат одговорните за злосторството пред лицето на правдата, пренесува Ројтерс.
Телата на браќата Калум (33) и Џејк (30) Робинсон од Австралија и американецот Картер Роуд (30) беа пронајдени на дното на бунар во мексиканската држава Долна Калифорнија минатата недела, по повеќедневна потрага.
Свет
Белоруски министер за надворешни работи: Украина се обидува да пренесе оружје на територијата на Белорусија за напад
Министерот за надворешни работи на Белорусија Сергеј Алејник изјави дека Украина често провоцира обиди за транспорт на оружје и експлозиви на белоруска територија, што може да се користи за терористички акти во Русија.
Алејник за РИА Новости изјави дека во текот на оваа и минатата година биле запрени 40 канали за транспорт на оружје и експлозиви од Украина на територијата на Белорусија и оценил дека тоа е загрижувачка информација.
Тој додаде дека Комитетот за безбедност на Белорусија неутрализирал 20 и притворил околу 30 диверзанти кои преминале од Украина во Белорусија и подготвувале терористички акти.
Свет
Во регионот Суми, високонапонски објект на Укренерга оштетен во руски напад
Високонапонскиот објект на Националната енергетска компанија „Укренерго“ е оштетен во рускиот напад со беспилотни летала и ракети врз регионот Суми во Украина.
„Меѓу оштетената цивилна инфраструктура е и високонапонскиот објект „Укренерга“. Екипите за поправка на „Укренерга“ работат на постепено враќање на снабдувањето со енергија на потрошувачите“, изјавил операторот, а пренесува „Укринформ“.
Во соопштението се додава дека руските напади врз енергетските капацитети во регионот Харков не престануваат и дека во неделата од безбедносни причини била исклучена опремата на локалната регионална енергетска компанија.