Спорт
Французите „удрија“ по Дешам – многумина веќе го гледаат Зидан на таа позиција
Фудбалерите на Швајцарија синоќа на панали ги елиминираа првите фаворити на ЕУРО 2020 – Французите, па „галските петли“ вината за тоа ја бараат пред се во селекторот Дидие Дешам.
Медиумите пишуваат дека Зинедин Зидан со сигурност ќе биде замената на Дешам.
„Го напушти Реал Мадрид, само чека повик од Сојузот. Неговиот стручен штаб е веќе подготвен, само да го повика и да потпише“ пишува денеска во дел од француските мдиуми.
По шокантната елиминација од Швајцарија, Франција „се дигна на нозе“ и јавноста воглавно пронајде 4 забелешки на Дешам.
Едната е што го врати Бензема во составот (иако напаѓачот на Реал Мадрид постигна 4 гола на шампионатот, а Мбапе ниту еден), потоа во клучниот меч му замеруваат зошто дефанзивецот на Барселона, Ленгле беше во првиот состав.
Третата забелешка е поради промената на тактиката во пресрет на двобојот со Швајцарците и последно – јавноста во Франција смета дека Дешам направил грешка при измените на играчите.
Се чини ова е најлошиот период за „триколорите“ уште од испаѓањето во групната фаза на ЕУРО 2008 и на СП во 2010 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Вест Хем (дефинитивно) го исфрли Ливерпул од шампионската трка
Вест Хем попладнево го исфрли Ливерпул од шампионската трка. Во рамките на 35.коло, Вест Хем и Ливерпул одиграа 2:2. Ливерпул остана на третата позиција со 75 бода, два помалку и натпревар повеќе од лидерот Арсенал. На третото место е Манчестер сити со 76 бода и два натпревар помалку од лидерот на на табелата.
Вест Хем поведе во 43. минута благодарение на Џерод Бовен, кој погоди по кронерот на Кудуз.
Бовен со овој гол влезе во историјата на Вест Хем. Ниту еден играч пред него не постигнал 16 голови во една сезона во Премиер лигата.
Ливерпул израмни на самиот почеток на второто полувреме. Робертсон во 48.минута го совлада Ареола.
Ливерпул направи пресврт 17 минути подоцна. Карамбол ситуација пред голот на Вест Хем, заврши со комичен авто-гол на голманот Ареола.
Голманот на Вест Хем одлчно реагираше по ударот на Дијаз во 73.минута.
Казната Ливерпул го стигна четири минути подцна кога Антонио гои постави конечните 2:2.
Спорт
Газета дело Спорт: Милан избра нов тренер
Хулен Лопетеги би требало да биде тренер на Милан од следната сезона, пренесува „Газета дело Спорт“.
Шпанецот ќе дојде на местото на Сзтефано Пиоли, кој по пет сезони ќе го напушти „Сан Сиро“.
На Пиоли му пресудија променливите резултати оваа сезона. Милан на половина од сезоната отпадна од трката за шампионската титула, испадна во групната фаза во Лигата на шампионите, се пресели во Лига Европа и доживеа елиминација во четвртфиналето од Рома.
Лопетеги го напушти англискиот премиерлигаш Вулверхемптон претходно оваа сезона и оттогаш е без работа. Тој беше шпански селектор од 2016 до 2018 година, доби отказ неколку дена пред стартот на Светското првенство во Русија, бидејќи потпиша договор со Реал.
Мандатот во „кралскиот клуб“ му траеше само пет месеци, потоа се пресели во Севилја со која имаше успешни две сезони.
Спорт
Обрадовиќ потпиша нов договор со Партизан
Жељко Обрадовиќ ќе остане на клупата на кошаркарскиот клуб Партизан.
Српските медиуми објавија дека трофејниот тренер потпипал нов двегодишен договор. Клубот не ги објави финансиските детали.
Обрадовиќ, во Паризан се врати пред три години. Минатата сезона го освои првиот трофеј по враќањето, Партизан ја освои АБА лигата. Во Евролигата, во пет натпревари бее елиминиран во четвртфиналето од Реал Мадрид.