Спорт
Францускиот хаос не изненадува никого, но Дешам останува барем до 2022
Елиминацијата на Франција од ЕУРО 2020 очигледно поминува „експлозивно“, откако спортскиот весник „Л’Екип“ излезе со шокантни детали за неединството во репрезентацијата, подгреано од родителите на фудбалските ѕвезди пред елиминацијата од Швајцарија во осминафиналето.
И покрај ова, француската федерација инсистира дека селекторот Дидие Дешам останува сигурно селектор барем до 2022 година, односно до крајот на настапите на СП во Катар.
Првите знаци на незадоволство во тимот беа по победата во пријателскиот меч над Бугарија, кога Килијан Мбапе беше налутен од коментарите на Оливие Жиру за неговата „себичност“ и тоа што не му додава доволно. Според „Л’Екип“, ова само направило раздор меѓу 26-те ѕвезди на тимот, а тензијата се кренала поради лошите хотели и ограничувањето на пристап на членовите на семејството.
Додека Англија, Италија и Шпанија повеќето натпревари ги играа дома, Франција играше во Минхен, Будимпешта и Букурешт, без постојан камп. Според весникот, Погба предложил наместо во „Мериот“ хотелот во Будимпешта да бидат сместени во Гардоњи, мало градче на 50 километри, но федерацијата го одбила ова.
Повлекувањето на Усман Дембеле поради повреда, уште повеќе го влошила паднатиот морал на тимот, бидејќи тој бил еден од ретките фудбалери покрај Погба кој бил во добри односи со сите во тимот, почнувајќи од Мбапе, Жиру, Антоан Гризман, до повратникот Карим Бензема.
На трибините во Букурешт, пак, инцидент предизвикала мајката на Адриен Рабио, Вероник, влегувајќи во конфликт со родителите на Мбапе и на Пол Погба.
На теренот пак, фудбалерите се обвинувале меѓусебно – Рабио и Погба во текот на целиот меч за слабата игра на Погба во одбрана. Рафаел Варан пак го обвинил Бенжамин Павар за примените два гола. По крајот на мечот, Дешам ветил дека тој ќе ги изддржи сите критики од јавноста и медиумите, и им порачал да почнат да се почитуваат пред квалификациите за СП во септември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024