Европа
Во ЕУ почна примената на дигиталните ковид-сертификати, досега се издадени 200 милиони потврди
Во Европската Унија од денеска се користат дигиталните ковид-сертификати, кои треба да го олеснет движењето на патниците во границите на Унијата.
Во Брисел наведуваат дека сите земји членки на ЕУ се технички подготвени да се поврзат со заеднички систем за препознавање на сертификатите и дека сите, освен Ирска, се во состојба да издаваат нови здравствени документи.
Иако регулативата стапи на сила денеска, 21 земја членка почнаа да издаваат документи уште во јуни, заедно со Норвешка, Лихтенштајн и Исланд, а досега се издадени повеќе од 200 милиони сертификати.
Новите ковид-сертификати се достапни во дигитална или хартиена форма и содржат барем еден од трите типа на информации – за вакцинација против Ковид-19, поседување антитела по закрепнување од болеста и тестирање кое може да биде со антиген или ПЦР-тест.
Сертификатите во моментов се издаваат на граѓани на земји членки на ЕУ, Швајцарија, Лихтенштајн, Исланд и Норвешка, а исто така може да ги добијат и државјани од трети земји кои имаат право да престојуваат или патуваат во ЕУ.
„Европската комисија предложи дигиталните зелени сертификати да се прошират на државјани на трети земји кои живеат или патуваат легално во ЕУ. Со текот на времето, европските зелени сертификати треба да станат интероперабилни со меѓународните стандарди. На среден рок, системот треба да се усогласи, така што сертификатите издадени од трети земји автоматски ќе се прифаќаат во ЕУ“, рече еврокомесарот за правда Дидие Рејндерс.
Тој нагласува дека сертификати ќе бидат издавани за сите вакцини, без оглед дали се одобрени од Европската агенција за лекови или не, но дека земјите членки се должни да прифаќаат само вакцини кои се одобрени на ниво на ЕУ, а по слободно убедување да ги прифаќаат останатите вакцини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.