Регион
Усвоена резолуцијата за страдање на Србите во Сребреница, Бошњаците ја напуштија седницата
Собранието на Сребреница ја усвои Резолуцијата за страдањата на Србите во Сребреница во 20. век. Предлогот за усвојување на Резолуцијата го поднесе потпреседателот на Собранието, Радомир Павловиќ кој е од партијата на Милорад Додик.
Тој порача дека со Резолуцијата се осудуваат злосторствата над српскиот народ и дека со тоа не се намалуваат злосторствата кои биле направени над другите народи.
Најави дека Резолуцијата ќе биде испратена до собранието на Република Српска со барање да ја освои со идентична создржина.
Собранието на Сребреница никогаш не усвои никако документ за геноцидот кој во Сребреница беше извршен над бошњачкиот народ во јули 1995 година. Овие настани се потврдени во најмлаку три случаи: со двете правосилните пресуди за воените лидери на босанските Срби, Радован Караџиќ и Ратко Младиќ како и со пресудата на Меѓународниот суд за правда во Хаг од 2007 година донесена по тужбата од Босна и Херцеговина против Сојузна Република Југославија.
Србија тогаш не беше прогласена за виновна за геноцид, но според мислењето на судот не го спречила и не ги казнила извршителите. Со оваа пресуда за директно виновни за случувањата во Сребреница во 1995 година беа посочени војската и полицијата на Република Српска.
Пред да почне гласањето за усвојување на Резолуцијата, шесте претставници на бошњачкиот народ ја напуштија седницата. Резолуцијата е усвоена девет дена пред одбележувањето на 26-годишнината од случувањата во Сребреница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.