Спорт
По глумата на Имобиле Италијанците велат: Англичаните се огорчени – не освоиле ништо од 1966
Откако на обложувалниците Италија и Англија се сметаат за први фаворити за титулата на ЕУРО 2020, почнаа „препукувањата“ меѓу двете фудбалски велесили, а неочекувано во центарот на контроверзите се најде Чиро Имобиле и неговото, искрено, смешно симулирање при петочната победа над Белгија.
Репрезентацијата на Роберто Манчини, невообичаено концентрирана на напаѓачки фудбал, ги отфрли стереотипите на катеначо-фудбал и ментални игри. Сепак, англиските коментатори се „закачија“ на симулирањето на напаѓачот на Лацио, Имобиле, кој пред голот на Николо Барела бараше пенал валкајќи се на теренот, а откако падна голот, веднаш стана да прослави. Алан Ширер посебно беше лут.
„Не можам ниту да се смеам на ова. Ова е патетично. Мислам дека судијата мора да реагира“, изјави Ширер.
Додека шпанскиот „АС“ на насловната имаше: „Оваа Италија е фудбалски радост“, додека францускиот „Л’Екип“ посочи „Италијанска лекција“, британските медиуми со голем цинизам гледаат на моќта на „аѕурите“.
Новинарот на „Ла република“, Маурицио Кросети даде интересен одговор посочувајќи на славната изјава на Гери Линекер.
„Тој што нема грев треба да го фрли првиот камен. Фудбалот е спорт со 22 мажи кои бркаат топка 90 минути и на крајот, Англичаните секогаш се огорчени, бидејќи не освоиле ништо од 1966 година“, напиша Кросети.
Ќе биде интересна потенцијалната финална пресметка…
Watch the hilarious moment Italian striker, Ciro Immobile, miraculously recovered from an injury after his teammate scored against Belgium.#talkwithaa Ojota Nigeria Igboho Lagos Tinubu pic.twitter.com/UTPZqqocVX
— Vlog/Blog (@talkwithaa) July 3, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.