Спорт
Манчини лут пред полу-финалето: Ова не е фер
Италија и Шпанија, вечерва, ќе го одиграат првото полу-финале на Европското првенство. Овие две селекции имаат долго ривалство зад себе, во Лондон ќе го одиграат 34.меѓусебен дуел. Шапнците имаат 12 победи, Италијанците девет, 12 пати одиграле нерешено. Последната нивна средба, во 2017 година, заврши со победа на Шпанија 3:0, додека последен пат на Европско првенство играле во 2016 година, тогаш со 2:0 победи Италија.
„Какви ни се шансите за пласман во финалето? Па тие се 50 отсто“, рекол италијанскиот селектор, Роберто Манчини, под чија палка Азурите немаат пораз на последните 32 натпревари.
Португалците, во септември 2018 година се последната репрезентација која ја победила Италија.
Манчини, пред дуелот со Шпанија, го изразил незадоволството што британските власти им забранија влез во државата на навивачите од Италија, Шпанија и Данска.
Само Италијанци и Шпанци кои живеат во Велика Британија ќе можат да навиваат на Вембли за своите селекции.
„Тоа не е фер“, рекол Манчини, иако домаќинот најавува дека натпреварот ќе го следат 60.000 навивачи. Проблемот за Италија и Шпанија е тој, што тие навивачи се Британци и ќе бидат неутрални.
„Подобри сме кога играме пред голем број навивачи, отколку кога на трибините нема или има малку гледачи. Тоа е добро за фудбалот. Меѓутоа, сметам дека не е коректно што капацитетот нема да биде исполнет со навивачи на Италија и Шпанија“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.