Македонија
Директорот на БЈБ, Тасевски, во посета на јужната граница со делегација од Република Италија
Директорот на Бирото за јавна безбедност, Сашо Тасевски, заедно со делегација од Република Италија, предводена од амбасадорот Андреа Силвестри и полицискиот аташе Диего Морели, ја посети јужната граница, поточно Гевгелискиот и Дојранскиот Регион.
Делегацијата најнапред го посети граничниот премин Богородица, од каде што се упати кон местото наречено Вршник Бара, каде што беше презентиран начинот на обезбедување на државната, т.е. зелената граница, а пред присутните беа претставени и современите технички средства за обезбедување на границата. Во рамките на посетата обиколка беше направена и на местото наречено Чука, каде што пред присутните беа посочени најчестите места што мигрантите ги користат за илегално преминување на границата.
Дополнително, беа посетени и граничниот Камен 59, место познато од периодот на мигрантската криза, како и привремениот транзитен центар „Винојуг“. Посетата на делегацијата на јужната граница заврши со работна средба на граничниот премин Дојран, каде што од надлежните беше запознаена со трендовите на илегална миграција во Дојранскиот Регион.
Амбасадорот Силвестри изрази исклучително задоволство од начинот на справување на нашата полиција со мигрантската криза истакнувајќи ја нејзината клучна улога во менаџирањето и спречувањето на илегалната миграција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.