Црна хроника
Пронајдени 59 мигранти во Лојане, меѓу кои една бремена жена и четири деца
Кумановската полиција пронашла вкупно 59 мигранти од Авганистан, Пакистан и Кина во куќа во кумановското село Лојане, меѓу кои имало четири деца и една бремена жена, соопшти МВР.
Во кумановско Лојане има голем број мигранти кои преку Македонија сакаат да стигнат во Западна Европа, па триесет иосумгодишен жител на Лојане им наплаќал по пет евра од човек секој ден за престој во неговата куќа. Дневно земал 300 евра, а месечно 9.000 евра.
Полицијата стигнала до него при приведување на двајца други жители на Лојане кои се барале со потерница за издржување на затворска казна за криумчарење мигранти, едниот од шест, другиот од две години. Кумановецот кој им наплаќал на мигрантите за престој му бил роднина на едниот од нив и живееле во ист двор.
Против него ќе биде поднесена пријава за „фалсификување исправа“ и „тешки дела против безбедноста на луѓето и имотот во сообраќајот“, а двајцата приведени ќе бидат спроведени во затвор./крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.