Свет
ЕМА: Воспаление на срцевиот мускул и обвивката се можни нуспојави на вакцините на „Фајзер“ и на „Модерна“
Европската агенција за лекови (ЕМА) идентификува можна врска помеѓу ретките срцеви заболувања и вакцините против Ковид-19 на „Фајзер/Бионтек“ и на „Модерна“, а препорача и луѓето со ретки крвни нарушувања да не се вакцинираат со вакцината „Џонсон и Џонсон“.
Срцевото заболување – миокардитис или воспаление на срцевиот мускул и перикардитис или воспаление на слузницата на срцето, мора да бидат наведени како можни несакани ефекти од двете вакцини, објави Комитетот за безбедност на Европската агенција за лекови. Таквите случаи се случиле во рок од 14 дена по вакцинирањето, почесто по втората доза и кај млади возрасни мажи, соопшти ЕМА. Ова се совпаѓа со наодите на американските здравствени власти објавени минатиот месец.
Од ЕМА исто така додаваат дека луѓето со синдром на истекување на капиларите (КЛС) не треба да се вакцинираат со вакцината „Џонсон и Џонсон“.
Во јуни, ЕМА побара КЛС да се додаде на списокот на несакани ефекти на вакцината против Ковид-19 на „Астразенека“. Вакцините на „Астразенека“ и на „Џонсон и Џонсон“ користат различни верзии на вирусот на настинка за да пренесат упатства за правење коронавирусни протеини и да предизвикаат имунолошки одговор.
Европската агенција за лекови исто така соопшти дека е премногу рано да се знае дали ќе бидат потребни повеќе од две дози вакцина против Ковид-19. Како што велат од таму, засега се доволни две дози. „Фајазер/Бионтек“ вчера објавија дека планираат да побараат од американските и европските регулатори одобрување на трета доза, врз основа на докази за зголемен ризик од инфекција шест месеци по вакцинацијата и ширењето на многу заразниот делта-сој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.