Свет
(Видео) Падобранец паднал преку покрив во куќа во Калифорнија, слетал директно во кујната
![](https://makfax.com.mk/wp-content/uploads/2021/07/untitled-design-2021-07-12t083622-161-2.png)
Локалните жители повикаа полиција откако видоа дека падобранец паѓа неконтролирано. Тој паднал низ покривот на една куќа во Калифорнија, но, за чудо, преживеал, пишуваат локалните медиуми.
Британски војник на вежба за скокање со падобран од 4.500 метри летал над куќата и паднал низ покривот. Неговиот падобран не бил целосно отворен и не можел да го контролира. За чудо преживеал, стои во натписите на новинарите.
Локалните жители повикале полиција откако виделе дека падобранот паѓа неконтролирано.
A BRITISH soldier cheated death after smashing through a roof and landing in someone’s kitchen when his parachute failed to open fully on a Special Forces free-fall jump. -The Sun pic.twitter.com/SBvA2gJtiU
— ✨Sk Boz✨ (@skkboz) July 12, 2021
Случајот го потврди и британската полиција во Атаскадеро.
„Лицето што леташе со падобран беше свесно по падот, но се жали на болка“, изјавија од полицијата. Според нив, тој немал видливи сериозни повреди. Во тоа време станарите не биле дома, се вели во соопштението.
Нема големи штети во куќата, освен на покривот.
Роуз Мартин, сосед на станарите каде што падна лицето со падобран, преживувањето го нарече вистинско чудо.
„Кој може да слета така без падобран и да преживее“, кажа соседот.
Војникот бил пренесен во болница на лекување.
„Благодарни сме што падобранецот има претрпено само умерени повреди и што нема повредено други лица“, соопшти полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.