Свет
Европол: Разбиена криминална група – уапсени 46 луѓе
Во голема полициска акција уапсени се 46 лица, осомничени дека се дел од криминална мрежа што им дозволуваше на бегалците илегално да влегуваат во Велика Британија и САД.
Акциите беа организирани од полицијата на Шпанија, Албанија и надлежните безбедносни служби на Австрија, Франција, Италија, Словенија, Португалија, Велика Британија, САД, Косово и Европол.
Истрагата, која ја водеше шпанската полиција со меѓународна полициска поддршка и соработка, резултираше со демонтирање на организирана криминална група која се занимавала со трговија со луѓе и изработка на лажни лични и патни исправи, објави Европол.
Во полициската акција уапсени се 46 луѓе, извршени се два претреси во куќи, запленети се фалсификувани лични документи, финансиска документација, електронска опрема, пари и разни наркотици.
Истрагата почна во 2019 година поради голем број фалсификувани лични документи на бегалци од Западен Балкан. Меѓу уапсените има и курири кои патувале на Косово и Албанија, каде што доставувале фалсификувани лични документи.
На Косово се откриени четири печатници за фалсификување документи. Акцијата беше координирана од Европол, обезбедувајќи размена на доверливи информации и аналитичка и форензичка поддршка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.