Економија
Трипуновски: Ако СДСМ остане глув, ВМРО-ДПМНЕ по доаѓање на власт ќе ги исплати сите субвенции и ќе ја укине зелената такса
Ако СДСМ остане глув на барањата на земјоделците ВМРО-ДПМНЕ по доаѓање на власт ќе ги исплати сите субвенции, ќе ја укине зелената такса и ќе ги ревидира штетните закони, изјави на прес-конференција Цветан Трипуновски.
Тој оцени дека врие во земјоделскиот сектор бидејќи власта четири години не направила ништо за да ги подобри условите за работа на земјоделците. Четири години, вели Трипуновски, земјоделецот не може да го продаде произведеното, затоа што нема откуп, а луѓето едвај преживуваат.
„Не само што не се исплатени субвенциите за минатата 2020 година, за кои краен рок за исплата беше 30 јуни оваа година, туку доцнат и субвенциите за 2017, 2018 и 2019 година. Владата има натрупани обврски кон земјоделците, затоа што изминативе години парите од буџетот имаа други приоритети. Со новите даноци кои оваа власт ги воведе најсилно се погодени земјоделците во Република Македонија. Само поради Зоран Заев при секое точење гориво земјоделецот плаќа 10 денари повеќе отколку претходно, а со новата зелена такса тоа ќе бидат 14 денари. Овие 10 денари по литар гориво за земјоделецот се преголеми пари, и токму во тие пари се нивниот одземен профит, нивната живејачка. И кога им одзеде сè, Заев сега сака да им ја земе и земјата. Со новиот закон за продажба на земјоделско земјиште, Заев ќе ја земе земјата од рацете на индивидуалните земјоделци и ќе ја даде во рацете на грст моќници. Заев со овој закон сака да поаргати повеќе од 100.000 граѓани ширум Република Македонија“, рече Трипуновски.
Според опозициската партија, ситуацијата е очајна, а главниот виновник за тоа е Зоран Заев. Трипуновски рече дека ВМРО-ДПМНЕ сочувствува со земјоделците и ги поддржува нивните барања за исплата на заостанати субвенции и мерки, повлекување на законот за зелена такса, повлекување на законот за продажба на земјоделското земјиште и воведување на заштитни цени за сите земјоделски производи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Македонските вина се продаваат во 40 држави во светот, Владата најавува зголемено производство и извоз
Македонија денес се претставува на „Винскa визија на Отворен Балкан“ во Белград.
Оваа година 80 винарски визби се претставуваат на овој саем од кои што 68 се мали семејни винарии и 12 винарски визби кои што се дел од здружението „Wines of Macedonia“, а за првпат имаме и изложувачи на квалитетна македонска традиционална храна.
Министерот за земјоделство, шумарство и водостопанство, Цветан Трипуновски, рече дека ова е одлична можност македонските квалитетни вина да бидат промовирани на саемот.
Тој посочи дека е зголемена продажбата на македонското вино надвор од границите на државата.
„Република Македонија е на 22 место во светот по производство на вино, а се наоѓа на 29-то место по извоз на вино во светот“, заклучи министерот.
Трипуновски додаде дека Владата има за цел да се зголеми производството на вино во државата со што ќе се зголеми и извозот на истото во светот. Девизен прилив од извоз на вино за 2023-та година изнесуваше над 57 милиони евра.
„Нашите вина се продаваат во преку 40 држави во светот. А, најголем дел се пласира овде во регионот, односно на Балканот“, истакна тој.
„Како Влада продолжуваме посветено да работиме во делот на секторот винарство бидејќи е втора најзначајна гранка во Република Македонија по извоз и девизен прилив“, нагласи министерот Трипуновски.
Економија
Илон Маск го сруши сопствениот рекорд на богатство, има 347,8 милијарди долари
Богатството на американскиот тајкун Илон Маск достигна рекордни 347,8 милијарди долари во петокот, поттикнато од континуираните добивки во акциите на „Тесла“ и новата рунда на финансирање откако неговиот стартап со вештачка интелигенција беше проценет на 50 милијарди долари.
Многу компании на Маск забележаа пораст на нивната вредност откако изборната победа на Доналд Трамп го круниса со политичко внимание.
Акциите на Тесла пораснале за 3,8 отсто во петокот, продолжувајќи да го поттикнува оптимизмот дека плановите на тимот на Трамп за автономни возила и субвенции за електрични возила ќе и дадат предност на компанијата на Маск пред конкуренцијата.
Маск, најбогатиот човек на светот, сега го собори сопствениот рекорд од 340,4 милијарди долари поставен во ноември 2021 година, според индексот на милијардери на „Блумберг“.
Економија
BLACK FRIDAY во СЕТЕК со попусти и до 70 отсто
Акцијата BLACK FRIDAY во СЕТЕК ги носи најголемите попусти и до 70 проценти.
На едно место бирајте сè што ви е потребно од најпознатите светски брендови за бела техника, телевизори, ИТ, мобилни уреди, апарати за домаќинство и уште многу други останати производи за домот и деловниот простор.
Искористете ја можноста да купите најмногу техника со најниски цени за BLACK FRIDAY во сите салони на Сетек и онлајн на www.setec.mk .
Сетек и оваа година, со радост ве очекува во сите салони полни со вашите омилени производи и уникатно шопинг искуство.
Акцијата трае oд 25 ноември до 2 декември 2024.
Има зошто сите купуваат во СЕТЕК.
Сетек – сè од техника е помеѓу водечките во трговијата со техника.
Не пропуштајте, сè што е најдобро – сега е и достапно: бела техника, апарати за домаќинство, уреди за ладење и греење, телевизори, мобилни телефони, гејминг опрема и ИТ уреди.
Сетек континуирано, повеќе од 30 години ја развива својата мрежа и стратегија за блискост со купувачите. Со застапеност на 32 различни локации и модерни салони, вклучувајќи ја и онлајн продавницата, Сетек е достапен до секој миленик на современата техника.
Воедно Компанијата нуди и и многу помошни улуги како лојална програма, кешбек, премиум достава, можности за кредитирање, рати без камата и многу експертски услуги за правилен избор и корисна употреба.
(ПР текст)