Свет
Путин: Русите и Украинците се еден народ
Рускиот претседател, Владимир Путин, ги опиша Русите и Украинците како еден народ. Тој исто така изјави дека Украина може да биде стабилна и успешна само доколку одржи пријателски врски со Москва.
Во статија објавена вчера Путин го обвини Киев дека нема намера да го почитува мировниот договор од 2015 година и да стави крај на конфликтот со проруските сепаратисти во источна Украина, пренесува „Асошиетед прес“.
„Убеден сум дека вистинскиот суверенитет на Украина е можен само со партнерство со Русија. Нашите духовни, човечки и цивилизациски врски се формираат со векови, вкоренети во истите извори и зајакнати со заеднички достигнувања и победи“, напиша Путин во текст објавен на страницата на Кремљ.
Реагирајќи на написот на Путин, претседателот на Украина, Володимир Зеленски, денеска изјави дека тезата за братски нации го потсетува на библиската приказна за Каин и Авел. Според таа приказна, Каин го убил својот брат Авел.
Зеленски исто така изјави дека Путин нема време да се сретне со него, а има време да напише обемни написи.
„Немав време да го прочитам целиот напис бидејќи вчера имав важни состаноци. Можам само да завидувам на тоа што претседател на толку голема земја може да си дозволи да потроши толку многу време на толку детаљна работа. Јас, едноставно, не знаев на што го троши своето време, а сега го гледам резултатот“, рече Зеленски.
Москва и Киев се во непријателски односи од руската анексија на украинскиот полуостров Крим во 2014 година, по соборувањето на прорускиот претседател на Украина, Виктор Јанукович. Повеќе од 14.000 лица се убиени во седумгодишниот конфликт во источна Украина, каде што Русија ги поддржува бунтовниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Јапонскиот аеродром Кансаи не изгубил ниту еден багаж за 30 години работа
Јапонскиот меѓународен аеродром Кансаи (КИКС) прославува 30 години работа без да изгуби ниту еден багаж, соопштија од аеродромот.
Седмиот најпрометен јапонски аеродром соопшти дека не изгубил ниту еден патнички багаж од отворањето во септември 1994 година, објави Си-Ен-Ен.
На тој аеродром годишно во просек минуваат од 20 до 30 милиони патници.
Свет
Маж со нож нападнал луѓе во центарот на Осло, полицијата веднаш го уапсила
Норвешката полиција соопшти дека уапсила маж кој избодел едно лице со два ножа и нападнал неколку лица во центарот на Осло.
Инцидентот се случил пред местото на метрото кога расправија излегла од контрола и неименуван маж на возраст од триесет години избодел еден маж во раката и нападнал уште неколку луѓе во близина.
Полицаецот потоа го извадил пиштолот и му наредил на напаѓачот да ги спушти ножевите, пренесува Ројтерс.
Полицијата смета дека нападот не бил мотивиран од тероризам.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.