Спорт
Џо Кол: Челси пред Жозе беше убав клуб, тој нѐ направи одвратни!
Поранешниот крилен фудбалер на Челси и на англиската репрезентација, Џо Кол, со критики за менаџирањето на Португалецот Жозе Мурињо додека тој беше на кормилото на Челси.
„Го мразевме Ливерпул, го мразевме и Манчестер јунајтед. Жозе нѐ направи такви. Нѐ направи одвратни“, рече Кол во поткастот кај Џејми Карагер – The Greatest Game.
„Челси пред Жозе беше убав клуб. Фини играчи, противниците сакаа да играат против нас, а после да се забавуваат во Лондон. Жозе сето тоа го следеше и рече: `Сакам од овие да направам тим против кој нема да може да се игра и сите ќе ме мразат“, вели Џо Кол.
Асоцијација на Англичанецот на тој „одвратен“ фудбал се пресметките против Ливерпул на Рафа Бенитез.
„И Ливерпул беше одвратен ривал, но ние бевме поодвратни. Тоа беа сра.е натпревари. Веројатно би уживал само некој италијански тренер. Немаше простор за игра, тргни – застани, ужасно. Не се сеќавам на ништо од тие мечеви“, вели Кол.
Но, се сеќава колку било тешко да се „поднесе“ Мурињо, особено по поразот од Барселона во првиот осминафинален меч во 2005 година во ЛШ.
„Кога загубивме на `Камп ноу`, цел час нѐ критикуваше, еден по еден. Нѐ распнуваше на крст. Дојде до мене и кога мислев дека ќе ме удри, мене и на Демијан Даф ни рече: `Вие бевте ОК`“, се потсетува Џо Кол.
Во 2007 година Мурињо беше отпуштен од Челси, а Кол во клубот остана до 2010 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.