Спорт
Емотивна порака на Сака по промашениот пенал: Ќе победиме, љубовта секогаш победува!
Англискиот фудбалски репрезентативец Букајо Сака (19) се огласи на социјалните мрежи првпат по промашениот пенал во финалето на ЕУРО2020. Тој, како и Џејдон Санчо, односно Маркус Рашфорд не ги искористија обидите од белата точка, по што добија бројни расистички навреди.
Сака во пораката до јавноста се осврна на се што се случуваше и ги прозва Фејсбук, Инстаграм и Твитер дека не прават доволно за спречување на расистичките испади.
„Неколку дена ме немаше на социјалните мрежи за да поминам време со моето семејство и да се осврнам на неколкуте последни недели. Оваа порака нема да биде доволна да покажам колку сум благодарен на љубовта која ја добивав и чувствувам дека морам да се заблагодарам на сите кои ми даваа поддршка.
Чест е да се биде дел од англиската селекција, која може да биде пример на сите, сите членови на екипата ќе останат браќа целиот живот и благодарен сум за се што научив од секој играч. При помошта да и помогнам на екипата да дојде до првото финале по 55 години и гледајќи ја својата фамилија на трибините, знаејќи од што се се одрекоа за јас да стигнам таму каде што сум – тоа бескрајно многу ми значеше.

Немам зборови да опишам како сум разочаран од резултатот и својот пенал. Навистина верував дека ќе го освоиме ова – за вас. Жал ми е што годинава не го донесовме трофејот дома, но ви веувам дека оваа генерација ќе даде се од себе да вкуси како е да се победува.
Мојата реакција по мечот кажа се, бев многу тажен затоа што се чувствував како да сум ја изневерил целата англиска фамилија, но ви ветувам – нема да дозволам да ме скрши тој момент или негативностите кои ги почувствував неделава.
За оние кои застанаа зад мене и ми праќаа емотивни писма, за да ми посакаат се најдобро мене и на моето семејство – неизмерно сум им благодарен. Тоа е дел од фудбалот. Страст и соединување на луѓето од сите раси, полови, религии и позадини во една заедничка љубов – во фудбалот.
Друштвените мрежи Инстаграм, Твитер и Фејсбук – не сакам ниту едно дете или возрасна личност да мора да добива навредливи поруки со омраза какви што изминатава недела добивавме Маркус, Џејдон и јас. Веднаш знаев каква омраза ќе добијам и тажна е реалноста вашите моќни платформи не прават доволно да ги спречат таквите пораки.
Нема место за расизмот или за било каква омраза во фудбалот или во било кое подрачје на заедницата. Поголемиот дел од луѓето се обединија против сите тие кои испраќаат такви пораки, се ангажираа и пријавуваа коментари во полиција. Порачувам – ќе победиме. Љубовта секогаш победува„ напиша Сака.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити не успеа да го победи Брајтон, Семењо погоди за триумф на Борнмут, Фулам го победи Челзи
Манчестер Сити полека го губи чекорот со Арсенал во борбата за титулата. По третото реми во низа, Сити има пет поени помалку и натпревар повеќе од лидерот на табелата. Во 21-то коло, Манчестер Сити ремизираше со Брајтон 1:1.
Манчестер Сити и Брајтон, четврти пат по ред одиграа нерешено во Премиер лигата.
Ерлинг Халанд го доведе Сити во водство од пенал кон крајот на првото полувреме. Норвежанецот го постигна 150-ти гол за Сити во сите натпреварувања.
Сепак, тој не беше доволен за победа. Каору Митома, по еден час игра, шутираше исклучително прецизно од работ на шеснаесетникот, низ нозете на Нико Гонзалез, и го постави конечниот резултат.
Двата тима имаа свои шанси за сите три бода до крајот, но големите промашувања на Гомес и Халанд на двете страни придонесоа резултатото да остане 1:1.
Брентфорд го победи Сандерленд со 3:0. Игор Тијаго беше стрелец на два од трите гола на својот тим, со што ја продолжи својата одлична серија.
Тиаго има вкупно 16 гола оваа сезона, што го прави играч од Бразил со најмногу голови на елитното ниво на англиското натпреварување, надминувајќи го Роберто Фирмино.
Борнмут и Фулам остварија победи против фаворизираните ривали.
Во неизвесен натпревар, „Чрешите“ победија против Тотенхем со 3:2.
На крајот од натпреварот, Жоао Палиња им донесе израмнување на Тотенхем, но Антоан Семењо, со можеби последниот гол за тимот на Андони Ираола, му донесе триумф на Борнмут во петтата минута од судиското продолжение.
По Ливерпул, Фулам останаа непоразени и против Челзи (2:1), во првиот натпревар без Енцо Мареска на клупата на „сините“.
Гостите играа со еден играч помалку од 22-та минута откако Марк Кукуреља беше исклучен, но на крајот Хари Вилсон погоди за триумф на Фулам.
Foto/ EPA
Спорт
(Видео) Барселона го декласира Атлетик Билбао
Фудбалерите на Барселона први обезбедија место во финалето на шпанскиот Суперкуп. Во Џеда, Барселона го декласира Атлетик Билбао со 5:0.
Сè беше решено во временски период од само 16 минути кога Барса постигна дури четири гола.
Четири различни играчи ја погодија мрежата на шпанскиот репрезентативец Унаи Симон, а воедно ги поделија и асистенциите меѓу себе:
Феран Торес во 22-та минута, Фермин Лопес во 30-та, Бардџи во 34-та и Рафиња во 38-та.
Таму каде што застана во првото полувреме, Рафиња продолжи во второто полувреме, во 52-та минута, го постигна петтиот гол за својот тим.
Каталонскиот клуб ќе го знае својот противник во финалето во четврток кога се игра големото мадридско дерби помеѓу Реал и Атлетико.
Foto/ EPA
Спорт
Елмас стартер – Наполи не успеа да ја победи Верона
Фудбалерите на Наполи, се спасија од пораз на домашен терен против еден од најслабите тимови во Серија А, Верона. Натпреварот на „Диего Марадона“ заврши 2:2. Елиф Елмас играше од почетокот, одигра просечен натпревар до моментот кога беше заменат во 63-та минута.
Ситуацијата не беше поволна за тимот на Антонио Конте, откако во првите 30 минути бидејќи Вања Милинковиќ-Савиќ два пати беше совладан. Фрезе, а потоа и Орбан од „белата точка“ успеаја да и донесат голема предност на Верона.
Домашниот тим на полувремето успеа да се реорганизира и да намали во 54-та минута преку Скот Мектоминеј, во 72-та минута ВАР го поништи голот на Расмус Хојлунд, а десет минути подцна капитенот Џовани Џовани Ди Лоренцо спаси бод за Наполи.
Наполи сега има натпревар повеќе и бод помалку од лидерот Интер. Тие се трети бидејќи Милан има подобра гол-разлика. Верона со овој бод се искачи на 18-та позиција на табелата.
Foto/ EPA/CIRO FUSCO

