Македонија
Османи: Надворешната политика почнува дома, мора да вложиме напор за заеднички ставови
Во рамките на проектот на МНР – „Рефлексија 2030 – десетгодишна надворешнополитичка стратегија“ – беше одржана тематска дискусија поврзана со парламентарната димензија на надворешната политика и улогата на Собранието и парламентарната дипломатија во остварувањето на стратешките надворешнополитички цели на Република Северна Македонија.
Состанокот е продолжение на серијата настани во рамките на „Рефлексија 2030“, со кој се иницира активен и широк консултативен процес со релевантни општествени фактори со цел прибирање инпути и идеи во насока на изработка на сеопфатна и долгорочна стратегија за надворешна политика.
На состанокот воведно обраќање имаше министерот за надворешни работи, Бујар Османи, а во дискусијата учествуваа некои од претседавачите на соодветните собраниски тела надлежни за надворешна политика, шефовите на собраниските делегации за соработка со меѓународните организации, како и дел од членовите на Стратешкиот совет на МНР.
„Независно од актуелните предизвици, на долг рок наша амбиција е да ја зајакнеме улогата на Собранието во создавањето на надворешната политика, со посебен фокус во изградбата на националните, на стратешките позиции на земјата. Се водам од премисата дека надворешната политика почнува дома. Имајќи го предвид динамичното окружување, не само регионално туку и воопшто агресивната динамика на општите меѓународни односи – сметам дека мора да вложиме повеќе напор во изострување на заедничките позиции, заедничките ставови, особено во надворешната политика. Државните интереси ни се заеднички, секако постојат разлики во тоа на кој начин да се имплементираат, но токму од аспект на надминувањето на овие разлики улогата на Собранието е незаменлива“, рече Османи.
Учесниците во дебатата разменија мислења за содржинските аспекти на надворешнополитичките приоритети на државата во наредните 10 години и улогата на Собранието и парламентарната дипломатија во остварување на клучните цели во тој контекст.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Започнува судењето за двојното убиство на Вања и Панче
Во Основниот кривичен суд Скопје денеска започнува судењето за двојното убиство на 14-годишната Вања Ѓорчевска и велешанецот Панче Жежовски.
Судечкиот совет при Основниот кривичен суд Скопје донесе одлука за спојување на постапките на обвинетите, откако Основното јавно обвинителство најпрво поднесе обвинение против четири лица, а потоа и против првоосомничениот Љупчо Палевски.
За Палевски се чекаше екстрадиција од Турција, за двојното грабнување и убиството на малолетната Вања Ѓорчевска од Скопје и 74-годишниот Панче Жежовски од Велес.
Покрај Палевски, обвинети се и Боре Видевски, Велибор Манев, Влатко Кешишов, како и таткото на Вања, Александар Ѓорчевски.
Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.
Македонија
Николоски на бројни средби со министрите за транспорт од ЕУ, ќе го претстави планот за изградба на брза пруга на Коридор 10
Заменик претседателот на Владата и министер за транспорт Александар Николоски учествува на состанокот на министри за транспорт на земјите членки на Европската Унија.
Министерот Николоски вчеравечер оствари работна вечера со министрите за транспорт на Белгија, Малта, Грција, Германија и Кипар.
На средбата мнистрите разговара за развој на транспортниот сектор во регионот. Министерот Николоски ги претстави приоритетите на Македонија, со посебен фокус на изградба на брза пруга на Коридор 10 како и олеснување на транспорот и трговијата меѓу земјите од Западен Балкан. Нагласена беше важноста и од изградба на Коридор 8.
Во рамки на денешниот министерски собир, министерот Николоски ќе оствари работни средби и со министрот за транспорт на Италија, потоа со министерот на Унгарија и Австрија, како и со претставници на ЕУ каде ќе ги претстави проритетите на Македонија.
Состанокот на министри во Будимпешта е организиран од Унгарија во рамки на нејзиното претседателство со Европската Унија. Покрај министрите за транспорт од Унијата, на неформалниот состанок учествуваат и министрите за транспорт од земјите од Западен Балкан, од земјите од ЕФТА, Украина, Молдавија и Грузија, како и претставници на институциите на Европската Унија и транспортни организации.
На собирот на министри и денеска ќе се разговара за предизвиците на транспортниот сектор на ЕУ, подобрувањето на конкурентноста и поврзаноста меѓу ЕУ и соседните земји меѓу кои и земјите од Западен Блакан. Посебен фокус ќе биде железничкиот сектор, мерки и стратегии потребни за воспоставување на брза железничка мрежа.
Македонија
„Љупчо Дон Николовски додека бил министер за земјоделие потрошил скоро милион денари по кафани“, велат од ВМРО-ДПМНЕ
„Љупчо Дон Николовски освен што неосновано делел субвенции, поточно се расфрлал со народни пари и ги давал на фирми блиски до СДС, пари трошел и за лични потреби. Љупчо Дон Николовски за помалку од четири години колку што бил министер за земјоделие потрошил 976.199 денари или скоро милион денари за во кафеани и ресторани“, велат од ВМРО-ДПМНЕ.
„Или милион евра поделени на 42 месеци колку што бил министер се 24 илјади денари, односно значи дека месечно трошел околу 24 илјади денари за ресторани. Или една плата со која живее семејство.
Првата година од своето министерување Дон Николовски потрошил 294.780 денари или скоро 500 илјади денари народни пари на кафеани и ресторани, а последната предизборната 2023 година 377.700 денари или скоро 400 илјади денари.
Дон Николовски јадел телешки мускул, чаден лосос, ракчиња и разни морски плодови, а пиел и скапи вина или шише од по 3.500 денари.
Расипничкото однесување е карактеристика за функционерите од СДС.
Продолжуваме со објавување детали за расфрлањето со народните пари од страна на Дон Николовски“, соопшти ВМРО-ДПМНЕ.