Свет
Талибанците немаат волја за мир, тврди авганистанскиот претседател Гани
Авганистанскиот претседател Ашраф Гани ги прекори на Талибанците тврдејќи дека тие не сакаат да постигнат мировен договор со владата со кој би се се запрела постојаната ескалација на насилството во Авганистан, пренесува „Спутник“
Гани се осврна на Абдула Абдулах, претседател на Високиот совет за национално помирување на Авганистан, кој му кажал на авганистанскиот претседател дека Талибанците не сакаат мир.
„Ја испративме делегацијата да постави ултиматум и да покажеме дека имаме волја за мир и подготвени сме да се жртвуваме за тоа, но Талибанците немаат волја за мир и треба да донесуваме одлуки врз основа на тоа“ рече Гани, кој се обидува да издејствува итен и практичен план во обид да се реши тековната блокада.
Тој се пожали дека и покрај тоа што владата ослободила 5.000 талибански затвореници во согласност со мировниот договор од минатата година, милитантната група досега не била подготвена за разумни разговори.
Но според Сухаил Шахин, портпарол на талибанската политичка канцеларија во Доха, Талибанците сакаат мирно решение и формирање авганистанска инклузивна исламска влада.
Неговата изјава ја потврди и највисокиот лидер на Талибанците, Хибатула Ахунџада, кој истакна дека се залага за политичко решение на конфликтот во Авганистан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најголемата компанија за вода во САД погодена од сајбер напад
Најголемата компанија за вода во САД, American Water, денеска откри дека неодамна била погодена од сајбер напад и дека поради тоа го затворила својот портал за услуги на клиентите.
Компанијата со седиште во Камден, Њу Џерси, на својата веб-страница соопшти дека минатиот четврток станала свесна за „неовластена активност во нејзините компјутерски мрежи и системи“, за која утврдила дека е „резултат на инцидент со сајбер безбедноста“, објави CNN (CNBC).
Компанијата, исто така, рече дека нема да наплатува никакви задоцнети такси или други такси додека системот не работи.
Свет
Пет земји ќе добијат повеќе од една милијарда евра помош од ЕУ за санација на последиците од поплавите
Европскиот парламент (ЕП) денеска одобри помош во износ од над една милијарда евра за санација на последиците од катастрофалните поплави што ги погодија Италија, Словенија, Австрија, Грција и Франција во 2023 година.
Средствата се доделени од Фондот за солидарност на ЕУ, а пакетот помош е одобрен со 632 гласа „за“, седум гласа против и три воздржани, се наведува на веб-страницата на ЕП.
Европратениците велат дека помошта од ЕУ треба да се прошири со оглед на зголемениот број природни катастрофи во Европа.
Свет
Орбан: Ако победи Трамп, ќе отворам неколку шишиња шампањ
Унгарскиот премиер Виктор Орбан изјави дека ќе отвори „неколку шишиња шампањ“ доколку Доналд Трамп се врати во Белата куќа.
Орбан треба да биде домаќин на колегите лидери на ЕУ на самитот во Будимпешта неколку дена по претседателските избори во САД на 5 ноември.
„Ќе отвориме неколку шишиња шампањ ако Трамп се врати“, рече Орбан, опишувајќи го самитот на ЕУ во ноември како момент за „блокот да се собере за да се обиде да најде заеднички глас“.
Орбан рече дека Трамп, доколку биде избран за претседател, нема да чека до неговата инаугурација, туку веднаш ќе дејствува „за да се воспостави мир“ меѓу Украина и Русија „за како европски лидери да немаме што да изгубиме“.
„Прво треба да реагираме интелектуално, филозофски, а потоа и стратешки“, рече тој.
Трамп постојано тврдеше дека може да донесе мир во Украина „многу брзо“, без да понуди никакви детали за тоа како би можело да се постигне трајно решение.
Ставовите на Орбан за руската инвазија многу ги отсликуваат ставовите на Трамп, кој беше обвинет од потпретседателката на САД и кандидат за претседател на Демократската партија Камала Харис дека ги повторува идеите на Владимир Путин, пишува Гардијан.