Црна хроника
Екстрадиран Тони „Манџа“
Министерството за внатрешни работи вчера од бугарската полиција го презеде Тони „Манџа“ кој веднаш е префлен на издржување на затворските казни во казнено поправниот дом „Идризово“, информираше денеска портпаролот на МВР Иво Котески.
„Тони К. беше пронајден во Бугарија каде, под друг идентитет, издржувал казна затвор за сторено кривично дело на бугарска територија. По претходно добиени оперативни сознанија и информации дека бегалецот се наоѓа во Бугарија со лажни документи на име Лазар Маринов Русеков од Софија, македонската полиција стапи во контакт со бугарската, по што беа испратени негови отпечатоци и фотографии за прецизно идентификување на осуденикот. Веднаш потоа беше потврден неговиот идентитет и со оглед на тежината на делата сторени на македонска територија, започна постапката за екстрадиција“, образложи Котески.Лицето кое беше барано со меѓународна, црвена потерница, преку Интерпол, на македонската полиција и било предадено на граничниот премин „Деве Баир“. Последната потерница по него била распишана поради сторено кривично дело „разбојништво“.Последен пат Тони К. успеал да побегне на 10 јуни 2009 година од хируршкото одделение во Медицинскиот центар Гевгелија, откако му бил извршен хируршки зафат поради повреда на крвните садови на раката која предизвикала обилно крварење.Набргу по бегството доброволно и се предаде на полицијата и по изведувањето пред надлежен Истражен судија во Основниот суд Струмица му била изречена мерка притвор од 20 дена.Ова, како што рече Котески, не е прво бегство, ниту прва екстрадиција на Тони „Манџа“ по распишана меѓународна потерница.Во 2005 г. на бил екстрадиран од Грција, а поради бегството од издржување казна, заработил уште шест месеци затвор.„Во 1999 година од страна на Основен суд Скопје 1 поради сторено кривично дело „двојно убиство“ е осуден на казна затвор во времетраење од 15 години. Во 2007 година, истиот суд му изрече казна затвор во времетраење од девет месеци за сторено кривично дело „тешка телесна повреда“. Во 2003 година, Основниот суд во Велес за сторено кривично дело „бегство на лице лишено од слобода“ го осуди на казна затвор од шест месеци“, објасни потпаролот на МВР.Поради „разбојништво“ извршено во група, годинава велешкиот суд во отсуство го осудил на затворска казна од 10 години.Додека бил малолетен. „Манџа“ бил пријавуван за 24 дела „тешка кражба“, за 21 кривично дело „одземање на моторно возило“ и за пет кривични дела „кражба“ за што му била изречена мерка „упатување во воспитно-поправен дом“.Котески посочи дека против него во тек се уште две постапки за кривични дела „одземање на моторно возило“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Полицијата во патничко возило со скопски регистарски ознаки пронашла 11 мигранти
На влезот во гевгелиското село Богородица, полициски службеници од Полициската станица за граничен надзор и гранични проверки Богородица во патничко возило „ауди“ со скопски регистарски ознаки вчера пронашле 11 лица мигранти.
МВР денеска осопшти дека вчера во 03.50 часот полицијата во патничко возило „ауди“ со скопски регистарски ознаки пронашла 11 лица мигранти, од кои пет лица од Сирија и шест лица од Република Турција.
– Откако ги забележал полициските службеници, возачот на возилото го напуштил местото. Мигрантите биле сместени во прифатно – транзитен центар во Гевгелија. Се преземаат мерки за расчистување на случајот, се појаснува во соопштението од МВР.
Црна хроника
ДУИ го осуди нападот врз претседателот на ФФМ
ДУИ го осуди вчерашниот напад врз претседателот на Фудбалската федерација Муамед Сејдини и изрази загриженост дека ова треба да биде силен аларм дека меѓуетничките тензии во земјата се зголемени.
„Овој инцидент се случува во време кога Владата се однесува како „бик во продавница за порцелан“, игнорирајќи ја и маргинализирајќи ја улогата на Албанците во јавниот и институционалниот живот и потценувајќи ја важноста на меѓуетничките односи. Ваквите постапки, кои доаѓаат во недела со серија други инциденти со етничка заднина, само дополнително ја влошуваат ситуацијата и создаваат опасна атмосфера за меѓуетничкиот соживот“, пишува во соопштението на Демократската унија за интеграција.
ДУИ тврди дека претседателот на ФФМ бил нападнат само поради неговата етничка припадност.
„Овој напад се случува и во контекст на голем неуспех во процесот на европска интеграција, што предизвика длабоко разочарување и ги затемни перспективите и надежите на нашите граѓани. Навредливите изјави на министерката за образование, која ги навреди вработените Албанци, нарекувајќи ги „неписмен народ”, дополнително ги зголемуваат тензиите и поделбите во општеството“, се вели во соопштението на партијата.
ДУИ ги повикува органите да реагираат брзо и професионално за да го расчистат овој случај, а Владата сериозно да размисли за важноста на зачувувањето на меѓуетничките односи и да ги почитува принципите на правично и еднакво застапување на сите граѓани.
Црна хроника
Тешко повреден 72-годишен возач на електричен тротинет
Вчера околу 19.25 часот во СВР Куманово било пријавено дека на ул.„Доне Божинов“ се случила сообраќајна несреќа помеѓу мопед „пежо“, управуван од Д.М.(18) и електричен тротинет управуван од Џ.И.(72), двајцата од Куманово.
„Во несреќата со тешки телесни повреди се здобил возачот на тротинетот, констатирани во Општата болница во Куманово“, информираат од МВР.
Извршен бил увид од увидна екипа на СВР Куманово.