Спорт
Ѓоковиќ го декласира Нишикори, Медведев испадна од Карењо-Буста
Првиот носител на олимпискиот турнир во Токио, Новак Ѓоковиќ, ќе игра во полу-финалето, додека вториот носител Данил Медведев од Русија го заврши својот настап во четврт-финалето. Русија сепак ќе има полу-финалист на турнирот во ликот на Карен Хачанов.
Ѓоковиќ лесно се справи со домашниот тенисер Кеи Нишикори. Во двата сета загуби само два гема и за 72 минути славеше победа 6/2, 6/0. Србинот ја забележа 13 победа на досегашните учества на ОИ и се израмни на вечната листа со Роџер Федерер.
Ова беше 16 меѓусебен дуел на Ѓоковиќ и Нишикори, Србинот ги забележал сите победи.
Ѓоковиќ во полу-финалето ќе игра против победникот од дуелот помеѓу Александар Зверев и Жереми Шарди.
Вториот фаворит, Медведев, доживеа елиминација од Пабло Карељо-Буста. Шпанецот победи во два сета 6/2 и 7/6 за еден час и 43 минути игра. Карењо-Буста одигра брилијантен прв сет, два пати му го одзеде сервисот на Медведев и го заклучи сетот, додека во вториот сет успеа да се врати од брејк негатива, а потоа во тај-брејкот го скрши фаворитот.
За пласман во финалето тој ќе се бори против 12.носител, Карен Хачанов.
Хачанов, одигра три сета против Иго Умбер од Фрамција. Рускиот тенисер славеше по два часа и 34 минути игра со 7/6, 4/6, 6/3.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Видео на денот – Марко Ројс како водач на навивачите
Борусија Дортмунд ја пишува приказната на сезоната во Европа, а во центарот на вниманието е клупската легенда Марко Ројс.
Во пресрет на реваншот со Пари Сен Жермен, Ројс официјално објави дека го напушта саканиот клуб на крајот на сезоната, по истекот на договорот.
Не можеше да замисли подобро збогување од финалето на Лигата на шампионите на „Вембли“, каде што беше актер и во 2013 година во поразот од Баерн Минхен.
Токму затоа ова е видеото на денот, Марко Ројс го предводи навивањето по победата над „светците“ во Париз.
Борусија славеше со голот на уште еден ветеран, Матс Хумелс и со вкупен резултат 2:0 се пласира во финалето.
🇩🇪 Marco Reus celebrating with the Dortmund fans last night… 🫂🗣️
𝙄𝙣𝙘𝙧𝙚𝙙𝙞𝙗𝙡𝙚. ⚫️🟡 pic.twitter.com/laOKT95VvJ
— PurelyFootball ℗ (@PurelyFootball) May 8, 2024
Спорт
Реал и Баерн на „Сантијаго Бернабеу“ за пласман во финалето
Вечерва во Мадрид ќе биде познат вториот финалист во Лигата на шампионите.
На стадионот „Сантијаго Бернабеу“ ќе се сретнат Реал Мадрид и Баерн Минхен во реваншот од полуфиналето на Лигата на шампионите.
Првиот натпревар одигран на Алијанц Арената заврши со резултат 2:2.
„Кралскиот клуб“ ќе влезе покомплетен во натпреварот со оглед на тоа што надвор од терените ќе биде само Давид Алаба.
Од друга страна, Томас Тухел нема да може да смета на Рафаел Гереиро и Кингсли Коман, додека знак прашалник ќе биде Дајот Упамекано.
Мадриѓаните сигурно ќе влезат во натпреварот како фаворити, но Баерн покажа дека има доволно квалитет да ги изненади своите ривали и да се обиде да стигне до своето прво финале по 2020 година.
Баерн и Реал досега имаат одиграно 27 натпревари во Лигата на шампионите, што го прави нивното ривалство најголемо во историјата на ова натпреварување.
Во претходните полуфинални натпревари Баерн беше поуспешен и во четири наврати одеше понатаму, додека Реал три пати стигна до финалето кога Баварците му биле противник во полуфиналето. Реал ги доби последните две меѓусебни соочувања во полуфиналето.
Реал е за нијанса подобар во вкупниот скор со 12 победи, додека Баерн има 11, четири натпревари завршиле нерешено.
Победникот на 1. јуни во Лондон на „Вембли“ стадионот, против Борсија Дортмунд ќе игра за европската круна.
Спорт
Гобер повторно е најдобар дефанзивец во НБА
Руди Гобер (31) по четврти пат во кариерата, а првпат во дресот на Минесота Тимбервулвс, е избран за најдобар одбранбен кошаркар во НБА.
Французинот се израмни со Дикембе Мутомба и Бен Валас на вечната листа. Доколку уште еднаш ја добие престижната индивидуална награда, ќе стане апсолутен рекордер.
Како и досега, мислењата и овојпат беа поделени околу тоа дали центарот на Минесота ја заслужил наградата. Недолго откако НБА ја објави оваа вест, се појавија статистички споредби, според кои помладиот соиграч на Гобер од француската репрезентација и прв пик од минатогодишниот драфт, Виктор Вембањама, сезонава е подобар во сите релевантни статистички категории кои ги дефинираат дефанзивните перформанси, но младиот ас на Сан Антонио Спарс ќе мора оваа сезона да се здоволи само со наградата дебитант на годината.
Во својата втора сезона откако беше трејдуван од Јута Џез, Гобер им помогна на Тимбервулфс да станат најдобриот одбранбен тим во лигата, дозволувајќи им на противниците најмалку поени и најниските проценти на шут во НБА.
Гобер, регуларниот дел од сезоната го заврши со просек од 14 поени (66,1% шут), 12,9 скока и 2,1 блокади по натпревар.