Црна хроника
Притвор за осомничениот за убиството во „Здравко Цветковски“

Истражен судија му одреди триесетдневен притвор на шеснаесетгодишникот, кој е осомничен за убиството што се случи во училишниот двор во средното градежно училиште „Здравко Цветковски“.
Момчето коешто е осомничено за убиството беше уапсено денеска и во присуство на родител беше на распит во полициска станица.Во саботата полицијата го приведе второосомничениот кој бил соучесник во инцидентот, а истражен судија му одреди 15 дена притвор. Тој ќе одговара за насилство, додека првоосомничениот ќе треба да одговара за убиство.Деветнаесетгодишниот Мухамед Али Јашари од Кондово во петокот при обид да го одбрани својот соученик смртно настрада, кога двајцата напаѓачи ги пресретнале учениците во дворот во „Здравко Цветковски“ и ги нападнале со метална прачка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Возило на 26-годишник оштетено од неколку проектили од огнено оружје: полицијата го расчистува случајот

Вчера околу 21:20 часот во СВР Скопје, 26-годишниот Ш.Ј. од село Крушопек, општина Сарај, пријави дека на паркинг простор пред угостителски објект во село Лака, скопско, неговото паркирано патничко возило „сеат алтеа“ со скопски регистарски ознаки било оштетено од неколку проектили од огнено оружје.
Се преземаат мерки за расчистување на случајот.
Црна хроника
Тешко повредена 29-годишна жена од Битолско по пад од трактор

Вчера во 19:20 часот во СВР Битола е пријавено дека на регионалниот пат Р-2333 Битола-Драгош, на крстосница за село Барешани, додека 30-годишниот Р.М. од село Острец, битолско, управувал трактор „тафе“ со приколка, неговата сопатничка У.М.(29) од истото село, паднала од тракторот, при што се здобила со тешки телесни повреди констатирани во Клиничка болница Битола.
Извршен е увид од увидна екипа на СВР Битола.
Црна хроника
14-годишник нападнат на трим-патека во Кисела Вода од повеќе малолетници

Вчера во 14:30 часот во СВР Скопје, 54-годишниот Д.Х. од Скопје пријави дека на 09.08.2025 околу 22:30 часот на трим патека на подрачје на Кисела Вода во Скопје, неговиот 14-годишен син, додека бил со неговиот брат и другарка, по претходна расправија, бил физички нападнат од повеќе малолетници, кои ги познава и кои носеле и метални предмети.
Се преземаат мерки за расчистување на случајот