Спорт
„Pazza Inter“ – по Лукаку, и Де Фрај и Лаутаро сакаат да заминат!
Последната деценија, италијанските фанови на Интер му дадоа не толку пријатен прекар на својот омилен клуб – „Pazza Inter“, односно лудиот Интер, кој секогаш изненадува, понекогаш пријатно, но почесто непријатно. Во 2010 дури и се сними песна под ова име, која до 2019 година беше пуштана пред натпреварите на „нераѕурите“.
Се веруваше дека ваквиот Интер е во минатото откако Мистер Антонио Конте го презеде клубот, го „среди“ и лани ја освои првата титула по една деценија, прекинувајќи ја низата на лутите ривали Јувентус. Меѓутоа, епилог на тоа е практичен „распад“ на шампионскиот тим ова лето, со многу грижи за иднината.
Прво, претседателот Стивен Жанг призна дека е невозможно да се продолжи со толку големи плати на играчите и дека поради економската криза мора да се „крати“. Прво си замина токму креаторот на шампионскиот тим, Конте, а потоа беше продаден Ашраф Хакими на ПСЖ, со ветување дека нема да има дополнителни заминувања.
Потоа се вмеша Роман Абрамович и неговите Челси. Понудата од 100 милиони евра за Ромелу Лукаку беше одбиена, но италијанските и англиските медиуми очекуваат тоа да се смени овој викенд со подобрена понуда до 130 милиони евра, и самиот Белгиец ги информирал шефовите дека сака да замине.
Сега на ред, се други фудбалери кои би сакале да си заминат, предводени од Лаутаро Мартинез и Штефан де Фрај. Италијанските медиуми тврдат дека директорите на клубот се против овие продажби, предводени од Бепе Марота, Пјеро Аусилио и Дарио Бачин и дека и тие може да заминат ако продолжи продажбата.
Pazza Inter…
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024