Спорт
Драма во Акватик центарот – Филиповиќ ги однесе Србите во финалето
Србија ќе го брани златото од Рио де Жанеиро, на ватерполо турнирот, на Олимписките игри во Токио. Србите во драматичен меч ја победија Шпанија со 10:9. (2:0, 2:5, 1:2, 5:2).
Драмата в Акватик центарот во Токио, ја реши Филип Филиповиќ со голот што го постигна на 26 секунди до крајот на мечот. Шпанците, го имаа последниот напад, но бидејќи направија грешка не успеаја да шутираат кон голот на Митровиќ, кој со 12 одбрани беше еден од најдобрите играчи на натпреварот.
Србија на волшебен начин успеа да победи, против селекцијата од која загуби во првото коло (12:13) и која без пораз стигна до полу-финалето.
Првиот период Србија го доби со 2:0, но Шпанците експлодираа во вториот со серија од четири гола, овој дел од натпреварот го добија со 2:5.
Србите лошо реализираа во третата четвртина, четири пати ја погодија стативата, постигнаа само еден гол, Шпанците беа два пати прецизни и во решавачкиот период влегоа со предност 4:7.
Во последната четвртина Србија одигра неверојатна одбрана, постојано ја бркаше предноста на противникот.
Во последните 80 секунди Шпанија влезе со предност 8:9, Мандиќ израмни, Шпанците не реализираа напад, а Филиповиќ потоа со шут од далечина стави точка на натпреварот.
Србија за златото ќе се бори со Грција. Финалниот меч ќе се одигра в недела од 9:30 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ванкувер ќе потроши 442 милиони долари за организација на Мундијалот
Проценетите трошоци за одржување на Светското првенство во 2026 година на „Би Си Плејс“ стадионот во Ванкувер, дупло се зголемиле во последните две години, изнесуваат 422 милиони долари.
Во март 2022 година беше најавено дека во Ванкувер ќе се одиграат пет натпревари на Мундијалот чии домаќини ќе бидат Канада, Мексико и САД. Во меѓувреме Меѓународната фудбалска федерација (ФИФА) го зголеми бројот на натпревари на седум.
Документот се наведени торошоците на градот и покраината, заедно со работите на стадионот. Во ажурираните проценки влегуваат и факторите за сместување, работењето и барањата по посетата на ФИФА, зголемените претпоставки за инфлација и трошоците за основните услуги во јавниот сектор.
„Се разбира, ќе има повеќе трошоци и повеќе приходи, но ако се прошири на долг рок, придобивките се огромни и тие повеќе од сигурно ќе го исплатат тој дефицит“, рече градоначалникот на Ванкувер, Кен Сим.
Владата на Британска Колумбија соопшти дека натпреварите ќе привлечат околу 350.000 фанови во покраината и ќе генерира повеќе од една милијарда канадски долари, околу 727 милиони долари во туризмот во петте години по турнирот.
За реновирање на стадионот „Би Си Плејс“ е планирана инвестиција од 142 милиони американски долари.
Спорт
(Видео) Ѓоковиќ со неверојатен гест ги воодушеви најмладите во Црна Гора
Најдобриот светски тенисер, во регионот се подговтува за претстојните предизвици: Мастерсот во Рим, втроиот грен слем во сезоната Ролан Гарос, Вимблдон и Олимписките игри во Париз.
Ѓоковиќ од Дубровник се пресели во Тиват, каде со еден потег ги воодушеви најмладите.
Црногорските медиуми објавија дека тој се шетал во Тиват маскиран во рибар и играл тенис со најмладите низ градските улици.
По десетина минути Србинот ја тргнал маската (капата и брадата), настанала ерупција од воодушевување кога луѓето забележаа дека тоа е Новак Ѓоковиќ.
👋 @DjokerNole in Tivat,Montenegro today 🇲🇪#Djokovic @NDjokofan #Montenegro #NoleFam
📸:https://t.co/ffzvnRfzFq pic.twitter.com/lubTMT2DJK
— Milica Milutinovic (@MilicaM84932667) May 1, 2024
Спорт
Борусија Дортмунд си обезбеди место во ЛШ во наредната сезона
Foto/ EPA
Фудбалерите на Борусија Дортмунд со победата во првиот натпревар од полуфиналето на Лигата на шампионите и обезбедија пет екипи на Бундеслигата во Лигата на шампионите наредната сезона.
„Милионери“ одигра за себе, бидејќи тие се петти на табелата, без шанси да го стигнат четвртопласираниот Лајпциг.
Германците освоиле 18.357 бодови и се втори на листата на УЕФА. Првото место и припаѓа на Италија чии тимови собрале 19.428 поени. Овие две земји ќе имаат по пет претставници во новата сезона од Лигата на шампионите.
Во финишот на сезоната во европските купови, Англичаните ја имаат само Астон Вила во Конференциската лига, додека Французите имаат два претставника (ПСЖ во Лигата на шампионите и Марсеј во Лига Европа).
Следната сезона во Лигата на шампионите Германија ќе ја преставуваат Баер Леверкузен, Баерн Минхен, Штутгарт, Лајпциг и Борусија Дортмунд.