Свет
Јапонија одбележа 76 години од атомската бомба во Нагасаки
Нагасаки се сеќава на жртвите од американската атомска бомба фрлена врз тој јапонски град пред 76 години.
По тој повод, градоначалникот Томихиша Таује укажа на зголемената закана од новата трка во нуклеарно вооружување.
„Јапонија, единствената земја во светот која досега беше жртва на атомски бомби, мора да стори повеќе за да обезбеди свет без такво оружје“, рече Таује. Тој повторно ја повика јапонската влада да се приклучи на договорот на Обединетите нации од 2017 година, со кој се забранува нуклеарно оружје.
Се едноминутно молчење во 11:02 часот се одбележа точниот момент кога на 9 август 1945 година беше фрлена бомбата врз тој град. Само во Нагасаки веднаш загинале 70.000 луѓе, а повредени биле околу 75.000.
Три дена претходно, САД веќе ја фрлиле првата атомска бомба врз Хирошима. Јапонија конечно се предаде на 15 август 1945 година.
Градоначалникот на Хирошима побара да се одржи и минута молчење на Олимписките игри во Токио, но Меѓународниот олимписки комитет го одби барањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.