Црна хроника
Се модернизира Единицата за истрага на место и вештачење
Со донација од 80.000 евра на турската агенција за соработка и координација во петок беше пуштен во употреба реновираниот објект на Криминалистичката полиција – Единица за истрага на место и вештачење во полициската станица Кисела вода.
“Изминатиот период покажавме дека инвестирањето во проблематиката поврзана со кривичното гонење, односно квалитетот на обезбедените материјални докази, е повеќе од неопходно и токму затоа беше набавена современа форензичка опрема и технологија, согласно европски стандарди. Би сакала да истакнам дека вистинско задоволство за нас е што како партнер во најчувствителната проблематика – форензиката остваривме одлични контакти со експерти од Република Турција, кои спаѓаат меѓу најценетите стручни лица во оваа област во светски рамки“, рече министерката за внатрешни работи, Гордана Јанкулоска при денешната посета на ПС Кисела Вода заедно со вицепремиерот на Владата на Турција, Бекир Боздаг
Таа се заблагодари за турската поддршка и истакна мноштво заеднички реализирани проекти, едукативни активности но и конкретни оперативни акции особено во областа на недозволената трговија со дроги.
“На македонската јавност и е добро познато дека најголем дел од полициските акции која станува збор за борбата против недозволена трговија со дрога се реализирани токму во соработка со турската полиција “нагласи Јанкулоска по пуштањето во употреба на објектот.
Турскиот вицепремиер, Боздаг рече дека Македонија и Турција се пријателски земји и дека соработката во повеќе области постојано се надоградува./крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.
Црна хроника
Во куќарка на паркинг во Центар пронајдено починато лице
Во 06.10 часот во СВР Скопје било пријавено дека на подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје.
Од страна на лекар од Итна медицинска помош констатирана била смрт без видливи траги на насилство.
Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција.
Црна хроника
Маж падна во отворена шахта во Скопје, бил пренесен во болница
Вчера во 13.05 часот во СВР Скопје било пријавено дека на подрачјето на Центар, С.К. од Скопје паднал во отворена шахта и се здобил со повреди, по што бил пренесен во здравствена установа за укажување на лекарска помош.
Излезено било на местото на настанот од полициски службеници од СВР Скопје.