Спорт
Челси и без Лукаку пресилен за Палас, Варди ги скроти „волците“

По синоќешниот пораз на Арсенал кај Брентфорд (2-0) и пладневниот убедлив триумф на Јунајтед против Лидс (5-1), во стандардниот саботен термин од 16 часот се одиграа пет натпревари од англиската Премиерлига.
Се чини дека најголемо интересирање предизвика дуелот на „Стемфорд Бриџ“ меѓу европскиот шампион Челси и тимот на Кристал Палас. Пулените на Томас Тухел рутинирано со 3-0 славеа против Палас.
Стрелци на головите за прв сезонски триумф беа Алонсо во 27 минута, Пулишиќ во 40 минута и Чалобах во 58 минута од мечот.
За натпреварот во комбинација не беше новото засилување Ромелу Лукаку, а поради повреда во составот ги немаше Нголо Канте и Хаким Зијеш.
Екипата на Лестер Сити минимално со 1-0 славеше стартна победа во ПЛ на домашен терен против тимот на Волфсбург.
Стрелец на голот вреден три бода за „лисиците“ беше кој друг ако не Џејми Варди во 40 минута.
Интересно беше и на „Гудисон парк“. Таму Евертон со пресврт победи со 3-1 против Саутемптон иако со голот на Армстрон во 22 минута гостите имаа предност на полувремето.
Ришарлисон на стартот на вториот дел донесе израмнување, Дукуре во 76 минута ги донесе „карамелите“ во предноста, а конечниот резултат беше дело на Калверт-Луин во 81 минута.
На преостанатите два дуели Вотфорд со 3-2 беше подобар од Астон Вила, а Барнли на свој терен доживеа пораз од 2-1 од тимот на Брајтон.
Со почеток во 18:30 часот започнува последниот денешен дуел од ова коло, меѓу Норич и Ливерпул.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Се враќа Џордан, ќе биде специјален соработник

Мајкл Џордан, легендата на НБА и Чикаго Булс, ќе стане специјален соработник на мрежата NBC, која ја емитува најсилната кошаркарска лига во светот, почнувајќи од оваа есен.
Еден од најголемите кошаркари на сите времиња прифати уште еден предизвик во својата кошаркарска кариера, а од есен и новата сезона ќе биде специјален дописник за извештаите од НБА.
BREAKING: NBC Sports has named Michael Jordan a special contributor for its upcoming NBA coverage on NBC and Peacock 🔥🐐
— NBACentral (@TheDunkCentral) May 12, 2025
NBC, која редовно ги емитуваше натпреварите од НБА од 1990 до 2002 година, ќе продолжи со покривање на спортот на есен откако постигна 11-годишен договор со лигата.
Кога NBC ќе продолжи со покривање на натпреварите од НБА, Џордан ќе биде дел од тоа покривање.
НБЦ сè уште не ја објави конкретната позиција на Џордан, нарекувајќи го „специјален соработник“.
Не е јасно колку често Џордан ќе се појавува онлајн и што ќе вклучуваат неговите работни обврски.
Без оглед на неговата улога, Џордан е повеќе од квалификуван да зборува за спорт – освои шест шампионски титули со Булс, беше 14 пати Ол-стар настап и пет пати беше прогласен за најкорисен играч (MVP).
Џордан сè уште се смета за најдобар кошаркар на сите времиња, а по завршувањето на својата играчка кариера купи малцински удел во Шарлот Хорнетс.
Спорт
Анчелоти официјално е назначен за селектор на Бразил

Италијанскиот стручњак, актуелен тренер на Реал, Карло Анчелоти е новиот фудбалски селектор на Бразил.
Како што беше објавено, 65-годишниот стручњак потпиша договор до крајот на Светското првенство, кое ќе се игра следното лето во САД, Мексико и Канада.
„Најтрофејниот избор во историјата на фудбалот сега ќе го води најуспешниот тренер во светот. Карло Анчелоти, синоним за историски достигнувања, беше објавен овој понеделник од претседателот на Бразилската фудбалска асоцијација, Едналдо Родригез, за нов селектор на националниот тим. Италијанецот ќе го предводи Бразил на Светското првенство во 2026 година и ќе го тренира тимот веќе во следните два квалификациски натпревари против Еквадор и Парагвај, следниот месец“, се вели во соопштението на веб-страницата на Бразилската фудбалска асоцијација.
Родригез рече дека доведувањето на Анчелоти да го предводи Бразил е повеќе од стратешки потег.
„Ова е порака до светот дека сме решени да го вратиме првото место на подиумот. Тој е најголемиот тренер во историјата, а сега ја предводи најголемата репрезентација на планетата. Заедно ќе напишеме нови славни поглавја за бразилскиот фудбал“, рече Родригез, како што објави веб-страницата на ФС Бразил.
Спорт
Првиот човек на ФФМ провери како тече работата на стадионот во Битола, треба да се исполни условот на УЕФА

Претседателот на Фудбалската федерација на Македонија Масар Омерагиќ, заедно со претставници од ФФМ, денес ја посетија Битола и извршија увид во состојбата на стадионот „Петар Милошевски“, со цел да се исполнат условите на УЕФА, за одигрување на меѓународен натпревар за селекциите до 21 година, помеѓу Македонија и Италија.
За одигрување на ваков натпревар од меѓународен ранг, потребно е да се извршат подготовки и да се исполнат критериуми за добивање на лиценца од комисија на УЕФА.
Градоначалникот Тони Коњановски и претседателот Масар Омерагиќ, разговараа околу подготовките и преземањето на обврските од страна на општината и од ФФМ, со цел Битола да биде претставена во најдобро светло.
На 9 септември, Битола треба да биде домаќин на натпреварот Македонија – Италија, за фудбалери до 21 година. По увидот на терен, претседателот на ФФМ, ја посети општина Битола, каде што со градоначалникот разговараа за успесите во спортот на битолските екипи, успесите во училишниот спорт и условите за развој на училишниот спорт, во кои општината постојано инвестира.
Градоначалникот посочи дека на последниот јавен повик од страна на Владата, општината аплицираше за изградба на 3 спортски училишни сали и 9 спортски игралишта во училиштата. Во знак на добрата соработка, Омерагиќ му подари на градоначалникот Коњановски репрезентативен фудбалски дрес со негово име, кое го носи бројот 9.