Спорт
ПСЖ за малку ќе прокоцкаше три гола предноста сред Париз
Француски ПСЖ го победија тимот на Стразбур со 4-2 во второто коло од Лига 1, на свој терен.
Мечот на „Паркот на принцовите“ помина во сенка на претставувањето на новите засилување на клубот, пред се тука се мисли на Лео Меси кој доби овации од гледалиштето.
Првото полувреме на овој меч делуваше дека избраниците на Маурисио Покетино имаат комплетна контрола на играта и на резултатот.
По првите 45 минути на семафорот стоеше 3:0.
Икарди го отвори резултатот во 3 минута. Мбапе со својот погодок во 25 минута зголеми на 2-0, а веќе во 27-та ПСЖ имаше комотни 3-0. Стрелец Дракслер.
Гостите од Стразбур не се предадоа, беа силно мотивирани и во вториот дел намалија на 3-2.
Најпрво Кевин Гамеиро во 53 минута постигна еден гол за гостите, а во 64 минута Лудовик Ажорк.
Сепак Стразбур немаше сила за комплетен пресврт, пред се поради тоа што од 81 минута беа без услугите на исклучениот Александер Џику.
Тогаш „светците“ добија „ветер во грб“, па преку Сарабија во 86 минута ги поставија конечните 4-2.
Со оваа победа ПСЖ е на врвот на табелата во Лига 1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Чаби Алонсо не дозволува еуфорија: Уште две недели…
Со победата од 5:0 над Бохум, Баер Леверкузен стигна до неверојатната бројка од 50 натпревари без пораз во сите конкуренции.
Баер е шампион на Германија, но до крајот на сезоната го очекуваат две финалиња, во Лига Европа со Аталанта на 22 мај и Купот на Германија со Кајзерслаутерн три дена подоцна.
„Сеуште не размислуваме за тројната круна, фокусирани сме само на она што следува. Ни претстојат уште три големи предизвици, три големи цели. Ако ја завршиме Бундеслигата без пораз, тоа би било големо достигнување, бидејќи тоа досега не се случило“, вели Алонсо и додава:
„После тоа следуваат тие две големи финалиња. Засега сè оди навистина добро, но… Уште две недели“.
Баер ќе ја затвори Бундес лигата со мечот против Аугсбург во Леверкузен.
Спорт
Го пратил братот близнак во Динамо Букурешт да игра наместо него
На повидок е невиден скандал не само во романскиот туку и во светскиот фудбал. Луѓето во ФК Динамо од Букурешт се сонмеваат дека се измамени од фудбалерот Едгар Ије.
Едгар дојде во Динамо како слободен играч во средината на февруари откако ја прекина соработката со Истанбул Башакшехир.
За Динамо досега одигра пет натпревари, но во клубот започнале да се сомневаат дека натпреварите не ги играл Едгар, туку неговиот брат близнак, Еделино.
Се уште нема официјални потврди за ова, но управата на клубот е убедена дека Едгар зборува англиски, додека во моментов не можат на тој начин да комуницираат со фудбалерот. Фудбалерот кој го имаат во своите редови наводно не сака да им покаже ниту возачка дозвола, ниту каков било документ.
Во својата кариера, Едгар ги носеше дресовите на помладите категории на Спортинг Лисабон, Барселона, Виљареал. Играше за Лил, Нант, Трабзонспор…
Спорт
Кејлор Навас заминува од ПСЖ
Кејлор Навас (37) по пет сезнони реши да го напушти ПСЖ.
Трофејниот голман на Костарика забележа 113 настапи за тимот од Париз, но оваа сезона му беше резерва на Џиџи Днарума.
„Благодарен сум за сите овие години во клубот“, изјави Кејлор Навас и потврди дека си заминува од ПСЖ.
Тој е слободен да избере нов клуб, се уште нема официјални понуди, но наводно е многу блиску до италијанската Серија А, каде има конкретен интерес од неколку клубови.