Забава
„Мирор“: Наводната љубовница на Путин се појави во ТВ-емисија
Поранешната руска гимнастичарка Алина Кабаева (37) се појави во јавност за првпат по речиси две и пол години откако почнаа да се шират шпекулации дека очекува близнаци со претседателот Владимир Путин (68).
Поранешната гимнастичарка беше член на Путиновата партија „Единствена Русија“ и шеф на Националната медиумска група, а наводно, врската со Путин ја почнала пред 12 години.
Кабаева гостуваше во програмата на руската национална телевизија, па ги нападна судиите на Олимписките игри во Токио, кои, според нејзино мислење, ја оштетиле колешката Дина Аверина. Аверина освои сребро во ритмичка гимнастика, а Кабаева тоа го нарече неправда и го нападна настапот на освојувачот на златниот медал, Израелката Линој Ашрам, пишува британски „Мирор“, кој објави и снимка од нејзиниот настап на телевизија.
„Настапот на Дина Аверина беше совршен. За разлика од нејзиниот ривал од Израел, кој направи голема грешка. Таа грешка требаше да ѝнамали еден поен, но тие одзедоа само 0,7 поени. Со вакви грешки не се освојуваат златни медали. Беа потребни шест минути за да ѝ доделат поени. Одложувањето значи дека судиите ги броеле бодовите и не сакале Аверина да ја победи израелската гимнастичарка“, тврди Кабаева.
Путин беше во брак со Људмила Путин, со која има две ќерки, Марија и Екатерина. Пред седум години, тие се разведоа по 30 години брак.
Кабаева е олимписка победничка во 2004 година во Атина, а во Сиднеј во 2000 година освои бронзен медал. Таа се повлече од гимнастика во 2005 година, а потоа помина осум години во рускиот парламент. Беше и член на партијата на Путин.
Иако нејзиниот портпарол рече дека нема коментар, медиумите во април 2019 година дознаа дека четвртиот ВИП-кат на Медицинскиот центар Кулаков во Москва тогаш бил затворен. Сторијата за тоа дека Кабаева се породила беше објавена во веб-изданието на весникот „Московски Комсомолец“, но кратко потоа целиот напис беше избришан. Сепак, некои независни новинари јавија дека Кабаева се породила со царски рез.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.