Спорт
Интер мораат да „најдат“ 340 милиони евра за 36 месеци!
																								
												
												
											Италијанските медиуми тврдат дека кинеската „Сунинг“ групација ќе ја загуби контролата на Интер доколку не најдат 340 милиони евра во следните 36 месеци, откако долгот на клубот стигна фантастични 700 милиони евра.
Весникот „Ил фато квотидијано“ цитира дел од истражувачката сторија на „РАИ 3“, посебно околу Интер, кои во мај ја освоија титулата од Серија А, по што се случи „распад“ во тимот – си замина тренерот Антонио Конте, а беа продадени и Ашраф Хакими (ПСЖ) и Ромелу Лукаку (Челси).
Според нивните информации американскиот инвестициски фонд „Оуктри“ позајмил 275 милиони евра на „Грејт хорајзон“, холдинг-компанијата која поседува 68 отсто од акциите на Интер. Овие средства се позајмени за клубот да не банкротира, по што долгот се зголемил на неверојатни 700 милион иевра.
Интер мора да ги врати долговите во следните три години со 9 отсто годишна камата, што за три години е вкупно 72 милиони евра, со што се достигнува сумата од 340 милиони евра. Друга алтернатива е холдинг-компанијата, односно клубот да биде преземен од Американците на сличен начин како што „Елиот менаџмент“ го преземаа Милан од поранешниот кинески газда Јонгхонг Ли.
Според весникот, Интер се реши на продажба на играчи ова лето за да се подобри финансиската ситуација за клубот да може да се продаде, иако ова лето беше одбиена понудата од 700 милиони евра од „БЦ партнерс“. Сега, „Сунинг“ би биле задоволни да добијат и 600 милиони евра за клубот.
Inter-Suning, oltre 700 mln di debiti: “Serve fare cassa e spunta lo schema Milan”https://t.co/m2Yf8xFRka
— Fcinter1908 (@fcin1908it) August 16, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
																	
																															Спорт
Стефано Пиоли доби отказ
														Сопствениците на Фиорентина го отпуштија Стефано Пиоли. „Виолетовите“ со Пиоли на клупата не забележаа ниту една победа во првите 10 рунди во Серија А.
Фиорентина под Пиоли освои само четири поени и се наоѓа на последната позиција на табелата.
Кога пристигна во средината на јули оваа година, потпиша договор до јуни 2028 година, па Фиорентина веројатно скапо ќе ја плати оваа непланирана разделба.
Помеѓу Фиорентина и Милан, кого го водеше 240 пати и го освои италијанското првенство во 2021/22 година, Пиоли имаше и краток престој во Ал-Наср.
Спорт
Спанулис и во иднина ќе ја предводи Грција
														Легендарниот кошаркар, а сега тренер Василис Спанулис, останува селектор на грчката репрезентација. Ова во вторникот официјализираше Кошаркарскиот сојуз на Грнција.
Спанулис им донесе бронза на Грците од овогодинешниот Евробаскет. Тоа беше и првиот медал на Грција на големо натпреварување од 2009 година. Затоа во националниот Сојуз веднаш му понудија нов договор.
Во исто време, легендарниот Грк ќе продолжи да работи во вицешампионот на Евролигата, Монако, а неговата следна цел кога станува збор за репрезентацијата ќе биде да ја однесе Грција на Мундобаскетот во 2027 година.
Спанулис е на клупата на грчката репрезентација од октомври 2023 година, а ја водеше оваа репрезентација на Олимписките игри во Париз една година подоцна.
Спорт
„Поради Вирц, веројатно ја добив работата во Реал“
														Тренерот на Реал Мадрид, Чаби Алонсо, во уперлативи зборуваше за својот поранешен играч, Флоријан Вирц, кој сè уште не не може да се снајде во Ливерпул, откако две сезони блескаше во Баер Леверкузен.
Баер во сезоната 2023/24 ја освои двојната круна под водство на Алонсо, со напомена дека стигна до титулата во Бундеслигата без пораз.
Вирц постигна 18 гола и 20 асистенции во сите натпреварувања таа сезона и беше прогласен за најдобар играч во Бундеслигата. Германскиот репрезентативец постигна 34 гола и 35 асистенции во последните две сезони во Баер.
Ова лето, тој се пресели во Ливерпул, кој плати 125 милиони евра за неговите услуги. Тој забележа три асистенции во 14 натпревари во англиската лига, но сè уште не се запиша меѓу стрелците.
„Доаѓањето во Ливерпул е голема промена за него и му треба време да се адаптира. Тој е посебен играч, има квалитет, карактер и е многу конкурентен. Веројатно поради него ја добив работата во Реал, и многу му сум благодарен“, рече тренерот на Реал пред вечервашното гостување кај Ливерпул во Лигата на шампионите.
Алонсо знае за што зборува бидејќи помина пет години како играч во Ливерпул, во кариерата одиграл 210 натпревари за „црвените“.

