Забава
Боб Дилан негира сексуалeн напад врз малолетничка во 1965 година
Американскиот пејач текстописец Боб Дилан е тужен од жена која вели дека сексуално ја злоупотребувал во 1965 година кога имала 12 години.
Во тужбата се наведува дека Дилан „го искористил својот статус на музичар за да ѝ дава алкохол и дрога и сексуално да ја злоупотребува повеќе пати“.
Се наведува дека злоупотребата се случила во станот на Дилан во хотелот Челзи во Њујорк.
Портпаролот на Дилан изјави за Би-би-си дека тврдењето на 56-годишната е невистинито и дека енергично ќе се брани.
Тужбата беше поднесена минатиот петок до Врховниот суд во Њујорк. Тужителката, која моментално живее во државата Конектикат, е идентификувана само по нејзините иницијали ( Ј.С.) Таа тврди дека пејачот (80) ѝ нанел „тешка психолошка траума“ и бара неодредена оштета.
Боб Дилан, роден како Роберт Ален Цимерман, продаде повеќе од 125 милиони албуми низ целиот свет во текот на кариерата која траеше шест децении.
Дилан, кој е нарекуван и „Пикасо на музиката“, е првиот музичар во историјата кој ја доби Нобеловата награда за литература (2016) за своите поетски иновации во пишувањето текстови за песни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
После ова издание на Евровизија донесов правилна одлука што не прифатив да ја претставувам Македонија, вели Андријана Јаневска
Нашата пејачка Андријана Јаневска е разочарана од годинешното издание на „Евровизија“ . Таа вели дека после ова издание на Евровизија донела правилна одлука што не прифатила да ја претставува Македонија.
– Минатата година, тимот на МТВ ме покани да ја претставувам Македонија на Евровизија 2024 во Малме. Им одговорив дека со задоволство ќе прифатев да беше 2000 година, кога се натпреварував со „Твоето писмо моја библија” или 2001 година кога на Скопскиот фестивал победив со „Носталгија”. Тогаш имав 20 години, кариерата ми беше во подем и имав желба да направам нешто за Македонија. Исто така, тоа беа времиња кога Евровизија сè уште важеше за некаков културно-уметнички натпревар помеѓу народите и кога секоја земја се натпреваруваше со песна на својот јазик, вели таа во својата фејсбук објава и додава:
– Денес имам 42 години и се чувствувам исполнето, среќно и остварено на приватен и професионален план. Што се однесува до мојата желба да направам нешто за Македонија, тоа го направив преку докторскиот труд на кој работев девет години, со кој успеав да заштитам над 150 македонски народни песни во регионите Мала Преспа, Голо Брдо и Гора, кои соседните држави претходно суптилно, а во последен период јавно почнаа да ги претставуваат како свои. Благодарност до МТВ за укажаната можност, но, после ова издание на Евровизија, сметам дека донесов правилна одлука, заклучи Јаневска по овогодинешното издание на Евровизија.
Забава
Калиопи со концерти во Скопје и Битола
Македонска поп-рок ѕвезда Калиопи, ќе одржи концерти во Скопје, на 19 октомври, во „Арена Борис Трајковски“ како и во Хераклеа – Битола, на 20 јули.
Во моментов го подготвува својот нов албум, кој на јавноста ќе и биде претставен до крајот на овој месец.
Картите за концертите се веќе пуштени во продажба и истите имате можност да ги купите преку продажната мрежа на www.kupikarta.com , Розе Веро 2, како и ЈК травел во Бисер.
Забава
Британец добил џекпот од 10,2 милиони фунти и го поделил со своите соседи
Ветеран од британската армија и поранешен полицаец доби џекпот од 10,2 милиони фунти на Поштенската лотарија што го подели со своите соседи во населбата каде што живее.
Дејвид од градот Бриџ Ерне, во округот Першир на југозападниот дел на Шкотска, татко на две деца, на 27 април на поштенската лотарија успеал да освои 10,2 милиони фунти и, како што објави таблоидот Сан, добивката ја подели со 10 соседи во неговото маало.
Британските медиуми објавија дека џекпотот од 10,2 милиони фунти е најголемата награда досега освоена во наградна игра во Шкотска.
Другите двајца најдобри победници во ждрепката на 27 април освоија по 680.000 фунти, а осум играчи освоија по 340.000 фунти.
“Не знам како се чувствувам. Малку сум шокиран. Мислев дека 15.000 фунти или дури 5.000 фунти ќе бидат многу, но сега сум апсолутно зачуден”, рекол Дејвид додека неговите соседи гласно го прославувале џекпотот.