Свет
Бајден: Ако Талибанците му се закануваат на американскиот народ, ќе дејствуваме брзо и одлучно
„Доколку Талибанците ја загрозат војската или народот во Америка, ние ќе дејствуваме брзо и одлучно“, рече американскиот претседател Џозеф Бајден во вонредното обраќање до нацијата поради новонастанатата ситуација во Авганистан.
„Прво сакам да ве потсетам кои се нашите интереси и што точно се случи. Нашата војска отиде во Авганистан пред 20 години за да ги казни оние што ни направија неправда на 11 септември, и ние го сторивме тоа. Единствениот интерес на Соединетите Американски Држави е да го спречат тероризмот во светот – ништо друго. Развивме механизми против тероризмот што сме подготвени да ги користиме во Авганистан, брзо, одлучно и силно“, рече Бајден во обраќањето што многумина го опишаа како клучен момент во неговиот мандат.
Тој посочи дека одлуката за повлекување на армијата од Авганистан е единствено правилна и дека тој, како претседател, цврсто стои зад неа.
„Имавме избор, да ја повлечеме војската и да влијаеме врз решавањето на конфликтот, или да го зголемиме военото присуство и да ја направиме ситуацијата многу полоша отколку што е денес. Мислам дека одлуката беше едноставна“.
„Како е можно да барате да се жртвуваме, ако Ашраф Гани ја напушти земјата и ги остави луѓето на Талибанците, додека авганистанската војска не е подготвена да се бори за територија“, праша Бајден.
„Уште колку американски синови и ќерки сакате да жртвувам во Авганистан, додека тамошните водачи и војската не сакаат да се борат за својата територија“, праша американскиот претседател, нагласувајќи дека Америка ќе има брза и силна реакција доколку војската или населението се загрозени од Талибанците.
Бајден пред неколку месеци донесе одлука да ги повлече американските воени сили од Авганистан по 20 години војна во оваа област. Многумина веруваат дека неговата одлука го означи почетокот на крајот на Авганистан, бидејќи Талибанците го искористија повлекувањето на американската армија за да ги преземат повеќето главни провинции.
Кабул официјално падна вчера, кога претседателот Ашраф Гани ја напушти земјата и доброволно ја предаде власта. Талибанците потоа влегоа во претседателската вила и прогласија превласт.
Ова доведе до целосен хаос на аеродромот во Кабул, кој во моментов е под контрола на американската војска. Бајден испрати околу 6.000 војници да обезбедат евакуација на амбасадата и американските граѓани, но уплашените жители на Авганистан се обидоа да се качат во авионите.
Од целосен очај, направија стампедо на аеродромот и на различни начини сакаа да ја напуштат својата татковина. Досега, според светските гласила, вкупно 10 лица загинаа во обидите да побегнат од талибанските власти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.