Спорт
Елмас со прекрасен гол за победа на Наполи, Верету му донесе три поени на Мурињо
Наполи и покрај тоа што поголем дел од мечот играше со 10 фудбалери, стигна до 2:0 победа над новиот прволигаш Венеција на отварањето на сезоната, откако македонскиот „дијамант“ Елиф Елмас ја искористи шансата и ја потврди победата со убав гол, додека Жозе Мурињо ја започа новата италијанска авантура со тешка 3:1 победа на Рома над Фиорентина, во меч со два црвени картони и многу искри.
На „Диего Армандо Марадона“, Наполи уште во 23. минута остана со играч повеќе, по непромислениот потег на нигерискиот напаѓач Виктор Осимен, а Елмас доби шанса да влезе во игра во 35. минута по повредата на Пјотр Зиелински.
Во 56. минута, Наполи имаа совршена шанса за водство, но Лоренцо Инсиње не успеа да го реализира пеналот, за само шест минути подоцна да биде досуден уште еден пенал, кој капитенот овојпат го реализираше. Елмас покажа што умее во 73. минута, кога по убавиот пробив на Чаки Лозано се најде на вистинско место и ја потврди победата на Наполи.
ELMAS 2-0 pic.twitter.com/FCnNCwy9vl
— farfromvideo (@farfromvideo) August 22, 2021
На „Олимпико“, пак, во меч со два црвени картони (за вкупно 7 црвени картони во некомплетното прво коло во Италија), Рома стигна до 3:1 победа над Фиорентина за победничко деби на Жозе Мурињо.
Хенрик Мхитарјан во 26. минута избегна офсајд стапица и по асистенција на Теми Абрахам ги донесе римјаните во водство, но Фиорентина израмни преку Никола Миленковиќ во 60. минута. Французинот Жордан Верету беше херојот на „волчицата“, откако само четири минути подоцна го врати водството, за во 79. минута да го постигне и својот втор гол.
7️⃣ Red Cards in the 1st Matchday of Serie A new season so far ?
?? Miguel Veloso (VER)
?? Stefan Strandberg (SAL)
?? Roberto Soriano (BOL)
?? Jerdy Schouten (BOL)
? Victor Osimhen (NAP)
? Bartlomiej Dragowski (FIO)
?? Nicolò Zaniolo (ROM) pic.twitter.com/ko8ftqFqm3— Offsider (@Offsider11) August 22, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Индијана надмоќно ја доби мајсторката во Њујорк
Индијана Пејсерс ќе им се спротивстави на Бостон Селтикс во финалето на Источната конференција во НБА лигата. Пејсерс ја добија мајсторката во Њујорк со 130:109. Финалната серија на Исторкот започнува во среда наутро по средноевропско време.
Пејсерси ги искористија сите проблеми кои го следеа Њујорк, фантастично шутираа и без проблем го добија седмиот натпревар. Индијана во првото полувреме имше реализација од речиси 80 отсто, во првата четвртина стекна двоцифрена предност.
Њујорк се обиде во третиот период разликата од 22 поени ја спуштија Никс на шест, но немаа сили за пресврт.
Повредите ги уништија Никс во оваа серија, Ануноби се обиди, одигра пет минути, а Харт го одигра речиси целиот натпревар, но не беше на очелуваното ниво. Надежите на Никс се урнаа во третата четвртина кога најдобриот играч Брансон се здоби со фрактура на дланката.
Од претходно во Њујорк ги немаше Рендл, Робинсон и Богдановиќ.
Халибартон со 26 поени, четири скока и шест асистенции ја предводеше Индијана, по 20 поени постигнаа Нембхард и Сиакам, 19 додаде Нејсмит со 8-8 од игра.
Кај Никс се истакнаа ДиВинченцо со 39 поени (10 тројки), Буркс додаде 26, а Брансон уфрли 17 поени.
Спорт
Гвардиола: Блиску сум до заминување
Манчестер сити со победата против Вест Хем четврта година по ред стана шампион на Англија. Оваа титула е шеста за Пеп Гвардиола на клупата на „граѓаните“.
Славниот тренер има договор до 2025 година, а неговата изјава по кревањето на пехарот ги шокираше навивачите на Сити.
„Реалноста е дека поблиску сум до заминување отколку да останам. Зборував со челниците, чувствувам дека сакам да останам. Останувам следната сезона, тоа е сигурно. Но, ќе разговараме во текот на сезоната. Овде сум во клубот осум, девет години… Ќе видиме што ќе се случи понатаму“, изјави Гвардиола.
Пеп го презеде Сити во 2016 година и освои се што можеше да се освои со клубот. Во својата кариера овој 53-годишен фудбалер успешно ги водеше Барселона и Баерн.
Сити го водел на 471 натпревар. Оствари 349 победи, 57 нерешени и 65 порази.
Спорт
Метла за Партизан – Црвена звезда пред 20.000 „гробари“ ја освои титулата во АБА лигата
Кошаркарите на Црвена звезда ја освоија титулата во АБА лигата, откако во финалната серија против Партизан ја добија со 3:0. Третиот меч на теренот на Партизан, екипата на Црвена звезда го доби со 82:76.
Ова беше шести последователен триумф на тимот на Јанис Сферопулос над тимот предводен од Жељко Обрадовиќ, шести во 2024 година.
Звезда со тоа го освои вториот трофеј сезонава, откако во февруари во Ниш го освои националниот куп.
Црвена звезда му се реваншираше на Партизан за поразот во ланското финале и ја прекина една долга традиција во АБА лигата. Ниту една екипа во претходните четирите претходни финални серии не успеа да победи на гостински терен.
Третиот меч во целост им припадна на црвено-белите. Партизан само еднаш имаше предност, во раната фаза од третата четвртина. Звезда експресно ја врати предноста, а во решавачкиот период влезе со предност од седум поени.
Голем чекор кон победата тимот на Сверопулос направи кога дојде до двоцифрена предност. Партизан до крајот се обиде но не успеа да направи пресврт.
Црвена зведа до победата ја предводеа Митровиќ и Гедраитис со по 12 поени, првиот имаше и осум скока, Дос Сантос постигна 11, а Лазиќ и Давидовац по девет поени. Тренерот Сферопулос играше со 11 играчи и сите постигнаа поени.
Партизан го предводеа Аврамовиќ со 17 и Анѓушиќ со 13 поени. Разочараа Пантер и Лидеј со пет, односно четири поени.
МВП на финалната серија е Бразилецот Јаго Дос Сантос.