Свет
Американците мора да си заминат на време, порача талибански лидер

Талибанскиот лидер Мохамед Наим рече дека нивната главна цел е мирно да ги решат сите проблеми, но дека Американците мора да го напуштат теренот на време.
„Талибанците објавија општа амнестија за владините претставници во Авганистан. Тоа е еден од чекорите. Ние исто така водиме мирен дијалог за решавање на проблемите што постоеја порано. Преговаравме со американските власти и постигнавме договор што светот го гледа денес”, рече тој, во интервју за руски агенции.
„Постигнавме договор странската армија да ја напушти нашата земја. Нашите главни цели и први чекори се дијалог и мирно решение на секој проблем. Таквата политика беше успешна. Мирниот процес доведе до тоа луѓето сега да бидат обединети”, додаде Наим.
На прашањето како ја оценува одлуката на САД за поместување на датумот за повлекување на армијата, Наим вели дека талибанците не очекувале да се помести датумот за конечното повлекување од Авганистан.
„Не го прифаќаме тоа. Беше одреден датум, 21. Датумот беше договорен со САД и поддржан од Советот за безбедност на Обединетите нации. Сепак, САД еднострано го поместија датумот и ние категорично не го поддржуваме. Мораат да го исполнат рокот. Земјата се промени за 100 проценти и не е во нивен интерес да останат тука. Мораат да си заминат навреме, за да нема нови проблеми”, посочи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Протести на Алјаска: „Не го сакаме Путин тука“

„Не го сакаме Путин тука. Нека ги повлече своите трупи од Украина. Алјаска стои со Украина“, велат демонстрантите во Анкориџ кои се собраа на улиците пред средбата меѓу Доналд Трамп и Владимир Путин.
🇺🇸🇺🇦 Happening right now: a big pro-Ukrainian rally in Anchorage ahead of the Trump-Putin meeting. “Ukraine and Alaska — Russian never again.” pic.twitter.com/Zx2VKVYW9G
— Ostap Yarysh (@OstapYarysh) August 15, 2025
Во Алјаска беа организирани 16 протести против средбата Трамп-Путин, а во Анкориџ, најголемиот град во оваа федерална држава, на улиците се собраа неколку стотици луѓе, објавува „Анкориџ дејли њуз“. Тие носеа украински и американски знамиња.
фото: принтскрин
Свет
Русија: Се надеваме на продолжување на конструктивните разговори со САД

Рускиот министер за надворешни работи Сергеј Лавров изјави дека Москва се надева на продолжување на „корисните и конструктивни разговори“ со САД.
Лавров рече дека очекува разговорите да продолжат денес во Алјаска. „Никогаш не правиме планови однапред. Знаеме дека имаме аргументи, јасна и разбирлива позиција и ќе ја презентираме“, рече Лавров.
Тој додаде дека многу веќе е постигнато за време на посетата на Стив Виткоф, кој зборуваше во име на претседателот Трамп, и дека за тоа зборувал и претседателот Путин. „Се надевам дека ќе го продолжиме овој конструктивен разговор“, заклучи Лавров.
Свет
Белата куќа го објави распоредот за средбата Трамп-Путин

Белата куќа го објави распоредот за средбата меѓу американскиот претседател Доналд Трамп и рускиот претседател Владимир Путин.
Во 6:45 часот наутро по источно време (11:45 часот наутро по македонско време), американскиот претседател треба да ја напушти Белата куќа за Анкориџ, Алјаска, каде што ќе се одржат разговорите.
Средба
Трамп и Путин треба да ги започнат своите разговори околу 11:00 часот наутро по локално време (21:00 часот по македонско време). Тие ќе се сретнат приватно, со присуство само на нивните преведувачи.
Враќањето на Трамп
Американскиот претседател планира да го напушти Анкориџ и да се врати во Белата куќа околу 17:45 часот по локално време (03:45 часот по македонско време).