Македонија
Студентите до утре може да аплицираат за субвенциониран студентски оброк
Студентите да аплицираат за субвенциониран студентски оброк, крајниот рок е утре, истакна Марко Михаилоски, претседател на СДММ, на прес-конференција.
Тој ги повика сите студенти што се на додипломски студии на државните и приватните факултети да аплицираат за да го искористат своето право на субвенциониран студентски оброк.
Следниот рок за аплицирање за оваа субвенција е од 1 до 31 октовмри 2021 година за студентите од новата академска година и оние што не го запишале летниот семестар.
„Аплицирањето е едноставно и се врши преку веб-страницата www.e-uslugi.mon.gov.mk Со оваа мерка, која е на иницијатива на СДММ, 40.000 студенти имаат можност да добиваат по 2.400 денари девет месеци во годината, односно по 21.600 денари годишно. За оваа мерка од буџетот издвоени се приближно 15 милиони евра, пари што ќе завршат на сметките на студентите. Ова е сериозно зајакнување на студентскиот стандард, приоритет на кој СДММ во континуитет посветено работи“, рече Михаилоски.
Додаде дека СДММ останува посветена на градење квалитетни одржливи младински политики, кои имаат цел да го зајакнат младинскиот стандард и да овозможат повеќе шанси за младите во земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.