Спорт
Наместо Мбапе, Камавинга е новиот „галактикос“
Реал Мадрид го потврдија трансферот на талентираниот фудбалер од средниот ред на Рен, Едуардо Камавинга, давајќи му шестгодишен договор кој вреди околу 40 милиони евра.
Францускиот интернационалец се сели од „Роажон парк“ во договор со кој ќе биде обврзан со „кралевите“ до 2027 и доаѓа по неуспешниот обид да го купат Килијан Мбапе од ривалите на Рен, Пари Сен-Жермен, и покрај понудата која наводно достигна фантастични 200 милиони евра.
Манчестер јунајтед и ПСЖ беа поврзувани со Камавинга, кој се покажа како еден од најдобрите млади фудбалери во Европа откако влезе во првиот тим на Рен како 16-годишник во 2019 година. Тој стана најмладиот фудбалер во историјата на француската репрезентација кога дебитираше при 4:2 победата над Хрватска минатиот септмември.
Со само една година од неговиот договор, Рен сакаа или тој да се обврзе на долгорочен договор или да биде продаден, и на стартот на сезоната само еднаш беше стартер во шест меча на Рен. Камавинга е второ засилување за Реал Мадрид ова лето, откако претходно Давид Алаба пристигна од Баерн Минхен како слободен играч.
Животната приказна на Камавинга е трагична. Неговото семејсто се пресели во Франција кога тој имаше 2 години. На 11 години нивниот дом изгорел во пожар, по што неговиот татко му кажал: „Ти си сега надежта на нашето семејство“. Сега на 18 години, тој е член на најтрофејниот европски клуб.
Графика: Sofascore за Топспорт.мк
? #WelcomeCamavinga ?
? @Camavinga pic.twitter.com/qECpcYxw0F— Real Madrid C.F. (@realmadrid) August 31, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.