Македонија
Расте коалицијата предводена од СДСМ, вели портпаролката Кузеска
Коалицијата предводена од СДСМ расте, следува нова победа за да продолжи развојот на општините, истакна денеска на прес-конференција портпаролката на СДСМ, Богданка Кузеска.
Таа нагласи дека СДСМ утврдил 69 кандидати за градоначалници за претстојните локални избори.
Кандидатите, како што вели, се докажани кадри, угледни и препознаени во своите средини, некои од нив ќе ја имаат честа да се борат за втор мандат, но една третина се нови лица, кои досега немале можност да учествуваат во локалната власта, но се докажале во своите сфери на дејствување.
„Ова е најдобрата понуда што СДСМ ја нуди за секоја од овие 69 општини каде што ќе настапиме со свој кандидат за градоначалник. Ќе имаме свои советнички листи во сите 80 општини и во Град Скопје, што нè прави единствена партија што ќе излезе со своја понуда во сите општини“, рече Кузеска.
Таа е уверена дека СДСМ е фаворит и извесен победник на локалните избори, а потврда за тоа, како што вели, се многуте релевантни анкети, но и интересот на политички партии што се приклучуваат кон најголемата и најразнолика коалиција предводена од СДСМ.
Вчера, на коалицијата предводена од СДСМ ѝ се приклучи Странката за демократска акција на Македонија (СДА), предводена од Џелал Хоџиќ.
Кузеска по тој повод изјави дека коалицијата предводена од СДСМ расте, што е доказ за успешните, одговорни и инклузивни политики што ги спроведуваат, со цел уште подобро партијата да им служи на граѓаните и државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 32.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.