Регион
Босанските власти откупиле нивен државјанин грабнат во Либија
Властите на Босна и Херцеговина успеале да ослободат државјанин на оваа земја кој пред десетина дена бил грабнат во Либија, благодарејќи на врските во таа земја, потврдија функционери во саботата вечерта за телевизијата Al Jazeera.
„Пред десетина дена во Либија беше грабнат државјанин на БиХ, но тој случај многу брзо беше разрешен“, изјави помошник министерот за надворешни работи Зоран Перковиќ, гостувајќи во емисијата „Контакт“.
Појасни дека станувало збор за грабнување поради изнудување пари, како и дека министерството за надворешни работи ја водело акцијата за спасување без да ја извести јавноста, бидејќи процениле дека ќе биде многу поефикасно доколку на сето тоа не му дадат публицитет.
„Тој човек е ослободен по неколку дена. Платена е соодветна сума за неговата слобода и вратен е во кампот на компанијата за којашто работи“, додаде Перковиќ без натамошни детали.
Босанскиот амбасадор во Либија, Ибрахим Ефендиќ, потврдил дека грабнувачите не биле терористи. Според сознанијата на Al Jazeera, станува збор за вработен на босанска компанија којашто работи во Либија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео+Фото) Град со големина на лешник уништи фасади од куќи, поплавени улици и домаќинства: големо невреме во делови од Војводина
Страшно невреме денеска попладне зафати делови од Војводина, но најголеми последици почувствуваа жителите на Бачка Паланка.
На видеата и фотографиите кои се шират на социјалните мрежи, град со големина на лешник падна врз домаќинствата и ги покри нивните дворови.
На улиците се појавија големи порои, а некои згради беа поплавени.
Се појави и видео од поплавената гимназија Бачка Паланка.
Како што претходно беше најавено, силната бура забележана на североистокот на Босна се пресели во Војводина и се движи понатаму кон Романија.
Според жителите на Бачка Паланка, некои домаќинства останале без струја.
Републичкиот хидрометеоролошки завод претходно издаде предупредување за невремето.
Регион
Ученик донел бомба во училиште во БиХ
Полициските службеници од Полициската администрација Приедор дејствувале по пријава на директорот на основното училиште „Петар Петровиќ Нјегош“ во близина на Приедор, дека од страна на просветен работник на тоа училиште била одземена рачна бомба од еден ученик.
Постапувајќи по пријавата, полицајците утврдиле дека се работи за бомбата „М75“ (т.н. црна бомба) без почетен дел за детонација, и како таква се смета за неупотреблива и не може да биде опасност.
За настанот бил информиран и Окружниот јавен обвинител на Приедор под чиј надзор ќе се преземаат понатамошни мерки и активности.
Информациите за споменатиот настан ќе бидат доставени до Центарот за социјална работа Приедор, пренесуваат медиумите во регионот.
Регион
Масовно труење во Грција: девет деца примени во болница, кај двајца пронајдена салмонела
Над 100 луѓе, меѓу кои дури девет деца, завршија во болница поради гастроинтестинални проблеми наводно поврзани со консумирање вода за пиење во различни делови на Грција.
Девет деца се хоспитализирани на Клиниката за детски болести, а еден маж завршил на Одделот за интензивна нега.
Здравствените служби се во состојба на готовност откако дознаа дека водата технички не е исправна во Стефановкио и Ризомилос откако над 100 лица се примени во болницата и Здравствениот дом во Велестин.
Според неофицијални информации, салмонела била пронајдена кај две деца.
Граѓаните се информирани за забраната за консумирање вода за пиење и тоа ќе трае, велат, најмалку 20 дена. Исто така, ќе се врши анализа и истрага на водата за да се утврди причината што ја предизвикала контаминацијата на водата.
Големо незадоволство има во две грчки села бидејќи мештаните цела минатата недела имаа гастроинтестинални проблеми, а известувањето за неисправната вода беше објавено дури во петокот кога се појавија болни деца.
„Управата за епидемиолошки надзор и интервенции за заразни болести ЕОДИ на 30.05.24 од Здравствен дом Велестино е известена за зголемен број на случаи на гастроентеритис кај жителите на Ризомилос и Стефановикиу во регионот на Магнезија“, се наведува во соопштението.
Гастроентеритис е инфекција и воспаление на слузницата на желудникот и цревата, што се манифестира со повраќање, дијареа и стомачни грчеви.